ஏவம் ப்³ராஹ்மணமவதார்ய தத³க்ஷராணி வ்யாகரோதி —
ஸோ(அ)யமித்யாதி³நா ।
க³த்வா ஸம்மோஹமிவ நேதீத்யுத்தரத்ர ஸம்ப³ந்த⁴: ।
கத²மாத்மநோ தௌ³ர்ப³ல்யம் ததா³ஹ —
யத்³தே³ஹஸ்யேதி ।
கிமித்யுபசாரோ முக்²யமேவா(அ)(அ)த்மநோ தௌ³ர்ப³ல்யம் கிம் ந ஸ்யாதி³த்யாஶங்க்யா(அ)(அ)ஹ —
ந ஹீதி ।
யதா²(அ)யமப³லபா⁴வம் நிக³ச்ச²தி ததா² ஸம்மோஹம் ஸம்மூட⁴தாமிவ ப்ரதிபத்³யதே । விவேகாபா⁴வோ ஹி ஸம்மோஹ: । ததா² ச ஸம்மூட⁴தாமிவ நிக³ச்ச²தீதி யுக்தமித்யாஹ —
ததே²தி ।
இவஶப்³தா³ர்த²மாஹ —
ந சேதி ।
கத²ம் புநராத்மந: ஸமாரோபிதோ அபி ஸம்மோஹ: ஸ்யாந்நித்யசைதந்யஜ்யோதிஷ்ட்வாதி³த்யாஶங்க்யா(அ)(அ)ஹ —
உத்க்ராந்தீதி ।
வ்யாகுலீபா⁴வோ லிங்க³ஸ்யேதி ஶேஷ: ।
தத்ர லௌகிகீம் வார்தாமநுகூலயதி —
ததே²தி ।
யதா²ஶ்ருதமிவஶப்³த³ம் க்³ருஹீத்வா வாக்யம் வ்யாக்²யாய பக்ஷாந்தரமாஹ —
அத²வேதி ।
இவஶப்³த³ப்ரயோக³ஸ்யோப⁴யத்ர யோஜநாமேவாபி⁴நயதி —
அப³ல்யமிதி ।
உப⁴யத்ர தத்³யோஜநே ஹேதுமாஹ —
உப⁴யஸ்யேதி ।
துல்யப்ரத்யயேநாப³ல்யஸம்மோஹயோரேககர்த்ருகத்வநிர்தே³ஶாத³ப்யுப⁴யத்ரேவகாரோ த்³ரஷ்டவ்ய இத்யாஹ —
ஸமாநேதி ।
அதே²த்யாதி³ வாக்யமவதார்ய வ்யாகுர்வந்கஸ்மிந்காலே தத்ஸம்ப்ரமோக்ஷணமித்யஸ்யோத்தரமாஹ —
அதே²த்யாதி³நா ।
கத²ம் வேத்யுக்தம் ப்ரஶ்நமநூத்³ய ப்ரஶ்நாந்தரம் ப்ரஸ்தௌதி —
கத²மிதி ।
அத்ரோத்தரத்வேநோத்தரம் வாக்யமாதா³ய வ்யாகரோதி —
உச்யத இத்யாதி³நா ।
ரூபாதி³ப்ரகாஶநஶக்திமத்ஸத்த்வப்ரதா⁴நபூ⁴தகார்யத்வாத்தேஜோமாத்ராஶ்சக்ஷுராதீ³நீத்யுக்தம் ஸம்ப்ரதி ஸமப்⁴யாத³தா³ந இத்யஸ்யார்த²மாஹ —
தா ஏதா இதி ।
ஸம்ஹரமாணோ ஹ்ருத³யமந்வவக்ராமதீத்யந்வய: । தத்ஸமிதி விஶேஷணம் ஸ்வப்நாபேக்ஷயேதி ஸம்ப³ந்த⁴: ।
கத²ம் ஸ்வப்நாபேக்ஷயா விஶேஷணம் ததா³ஹ —
ந த்விதி ।
ஆதா³நமாத்ரமபி ஸ்வப்நே நாஸ்தீதி குதஸ்தத்³வ்யாவ்ருத்த்யர்த²ம் விஶேஷணமித்யாஶங்க்யா(அ)(அ)ஹ —
அஸ்தீதி ।
ஸ ஏதாஸ்தேஜோமாத்ரா: ஸமப்⁴யாத³தா³ந இத்யேதத்³வ்யாக்²யாய ஹ்ருத³யமேவேத்யாதி³ வ்யாசஷ்டே —
ஹ்ருத³யமித்யாதி³நா ।
ஸவிஜ்ஞாநோ ப⁴வதீதி வாக்யவிஶேஷமாஶ்ரித்யாஶங்க்யா(அ)(அ)ஹ —
ஹ்ருத³ய இதி ।
கத²மாத்மநோ நிஷ்க்ரியஸ்ய தேஜோமாத்ராதா³நகர்த்ருத்வமித்யாஶங்க்யா(அ)(அ)ஹ —
பு³த்³த்⁴யாதீ³தி ।
தேஷாம் தத்³விக்ஷேபஸ்ய சோபஸம்ஹாரே ஸத்யாத்மநஸ்ததா³தா³நகர்த்ருத்வமௌபசாரிகமித்யர்த²: ।
தர்ஹி தத்³விக்ஷேபோபஸம்ஹர்த்ருத்வவத்ததா³தா³நகர்த்ருத்வமபி முக்²யமேவ ப⁴விஷ்யதீத்யாஶங்க்யா(அ)(அ)ஹ —
ந ஹீதி।
ஆதி³ஶப்³தே³ந க்ரியாவிஶேஷ: ஸர்வோ க்³ருஹ்யதே ।
கத²ம் தர்ஹி ப்ரதீசி கர்த்ருத்வாதி³ப்ரதே²த்யாஶங்க்யா(அ)(அ)ஹ —
பு³த்³த்⁴யாதீ³தி ।
ஸ யத்ரேத்யாதி³ வாக்யமாகாங்க்ஷாபூர்வகமவதார்ய வ்யாகரோதி —
கதா³ புநரித்யாதி³நா ।
தஸ்ய புருஷஶப்³தா³த்³போ⁴க்த்ருத்வே ப்ராப்தே விஶிநஷ்டி —
ஆதி³த்யாம்ஶ இதி ।
தஸ்ய சாக்ஷுஷத்வம் ஸாத⁴யதி —
போ⁴க்துரித்யாதி³நா ।
யாவத்³தே³ஹதா⁴ரணமிதி குதோ விஶேஷணம் தத்ரா(அ)(அ)ஹ —
மரணகாலே த்விதி ।
ஆதி³த்யாம்ஶஸ்ய சக்ஷுரநுக்³ரஹமகுர்வத: ஸ்வாதந்த்ர்யம் வாரயதி —
ஸ்வமிதி ।
மரணாவஸ்தா²யாம் சக்ஷுராத்³யநுக்³ராஹகதே³வதாம்ஶாநாமதி⁴தே³வதாத்மநோபஸம்ஹாரே ஶ்ருத்யந்தரம் ஸம்வாத³யதி —
ததே³ததி³தி ।
தர்ஹி தே³ஹாந்தரே வாகா³தி³ராஹித்யம் ஸ்யாதி³த்யாஶங்க்யா(அ)(அ)ஹ —
புநரிதி ।
ஸம்ஶ்ரயிஷ்யந்தி வாகா³த³யஸ்தத்ததே³வதாதி⁴ஷ்டி²தா யதா²ஸ்தா²நமிதி ஶேஷ: ।
முமூர்ஷோரிவ ஸ்வப்ஸ்யத: ஸர்வாணி கரணாநி லிங்கா³த்மநோபஸம்ஹ்ரியந்தே ப்ரபு³த்⁴யமாநஸ்ய சோத்பித்ஸோரிவ தாநி யதா²ஸ்தா²நம் ப்ராது³ர்ப⁴வந்தீத்யாஹ —
ததே²தி ।
உக்தே(அ)ர்தே² வாக்யம் பாதயதி —
ததே³ததா³ஹேதி ।
பராங் பர்யாவர்தத இதி ரூபவைமுக்²யம் சாக்ஷுஷஸ்ய விவக்ஷிதமிதி ஶேஷ: ॥ 1 ॥