தர்ஹி போ⁴க்த்ரோபஸம்ஹ்ருதம் சக்ஷுரத்யந்தாபா⁴வீபூ⁴தமித்யாஶங்க்யா(அ)(அ)ஹ —
ஏகீதி ।
உக்தே(அ)ர்தே² லோகப்ரஸித்³தி⁴ம் த³ர்ஶயதி —
ததே³தி ।
சக்ஷுஷி த³ர்ஶிதம் ந்யாயம் க்⁴ராணே(அ)திதி³ஶதி —
ததே²தி ।
யதா² சக்ஷுர்தே³வதாயா நிவ்ருத்தௌ லிங்கா³த்மநா சக்ஷுரேகீப⁴வதி யதா² க்⁴ராணதே³வதாம்ஶஸ்ய க்⁴ராணாநுக்³ரஹநிவ்ருத்தித்³வாரேணாம்ஶிதே³வதயைக்யே லிங்கா³த்மநா க்⁴ராணமேகீப⁴வதீத்யர்த²: । தந்நிவ்ருத்யபேக்ஷயா வருணாதி³ தே³வதாயா ஜிஹ்வாயாமநுக்³ரஹநிவ்ருத்தௌ ஜிஹ்வாயா லிங்கா³த்மநைக்யவ்யபேக்ஷயேத்யர்த²: ।
தத்தத³நுக்³ராஹகதே³வதாம்ஶஸ்ய தத்ர தத்ராநுக்³ரஹநிவ்ருத்த்யா தத்தத³ம்ஶிதே³வதாப்ராப்தௌ தத்தத்கரணஸ்ய லிங்கா³த்மநைக்யம் ப⁴வதீத்யபி⁴ப்ரேத்யா(அ)(அ)ஹ —
ததே²தி ।
மரணத³ஶாயாம் ரூபாதி³த³ர்ஶநராஹித்யமர்த²த்³வயஸாத⁴கமித்யாஹ —
ததே³தி ।
தஸ்ய ஹைதஸ்யேத்யாதி³ வாக்யமுபாத³த்தே —
தத்ரேதி ।
முமூர்ஷாவஸ்தா² ஸப்தம்யர்த²: ।
கேநாயம் ப்ரத்³யோதோ ப⁴வதீத்யபேக்ஷாயாமாஹ —
ஸ்வப்நேதி ।
யதா² ஸ்வப்நகாலே ஸ்வேந பா⁴ஸா ஸ்வேந ஜ்யோதிஷா ப்ரஸ்வபிதீதி வ்யாக்²யாதம் ததா²(அ)த்ராபி தேஜோமாத்ராணாம் யதா³தா³நம் தத்க்ருதேந வாஸநரூபேண ப்ராப்யப²லவிஷயபு³த்³தி⁴வ்ருத்திரூபேண ஸ்வேந பா⁴ஸா ஸ்வேந சா(அ)(அ)த்மநா சைதந்யஜ்யோதிஷா ஹ்ருத³யாக்³ரப்ரத்³யோதநமித்யர்த²: ।
தஸ்யார்த²க்ரியாம் த³ர்ஶயதி —
தேநேதி ।
கிமிதி லிங்க³த்³வாரா(அ)(அ)த்மநோ நிர்க³மநம் ப்ரதிஜ்ஞாயதே தத்ரா(அ)(அ)ஹ —
ததே²தி ।
யதி³ மரணகாலே தோஜோமாத்ராதா³நம் ந தர்ஹி ஸதா³ லிங்கோ³பாதி⁴ராத்மேத்யாஶங்க்யா(அ)(அ)ஹ —
தத்ர சேதி ।
ஸப்தம்யா லிங்க³முச்யதே । ஸர்வதே³தி லிங்க³ஸத்தாத³ஶோக்தி: ।
ஆத்மோபாதி⁴பூ⁴தே லிங்கே³ கிம் ப்ரமாணமித்யாஶங்க்யா(அ)(அ)த்மநி கூடஸ்தே² ஸம்வ்யவஹாரத³ர்ஶநமித்யாஹ —
தது³பாதீ⁴தி ।
சக்ஷுராதி³ப்ரஸித்³தி⁴ரபி ப்ரமாணமித்யாஹ —
ததா³த்மகம் ஹீதி ।
ஏகாத³ஶவித⁴ம் கரணமித்யப்⁴யுபக³மாத்குதோ த்³வாத³ஶவித⁴த்வமித்யாஶங்க்ய விஶிநஷ்டி —
பு³த்³த்⁴யாதீ³தி ।
’வாயுர்வை கௌ³தம தத்ஸூத்ரம்’ இத்யாதி³ ஶ்ருதிரபி யதோ²க்தே லிங்கே³ ப்ரமாணமித்யாஹ —
தத்ஸூத்ரமிதி ।
ஜக³தோ ஜீவநமபி தத்ர மாநமித்யாஹ —
தஜ்ஜீவநமிதி ।
’ஏஷ ஸர்வபூ⁴தாந்தராத்மா’ இதி ஶ்ருதிரபி யதோ²க்தம் லிங்க³ம் ஸாத⁴யதீத்யாஹ —
ஸோ(அ)ந்தராத்மேதி ।
லிங்கோ³பாதே⁴ராத்மநோ யதோ²க்தப்ரகாஶேந மரணகாலே ஹ்ருத³யாந்நிஷ்க்ரமணே மார்க³ம் ப்ரஶ்நபூர்வகமுத்தரவாக்யேநோபதி³ஶதி —
தேநேத்யாதி³நா ।
சக்ஷுஷ்டோ வேதி விகல்பே நிமித்தம் ஸூசயதி —
ஆதி³த்யேதி ।
மூர்த்⁴நோ வேதி விகல்பே ஹேதுமாஹ —
ப்³ரஹ்மலோகேதி ।
தத்ப்ராப்திநிமித்தம் சேஜ்ஜ்ஞாநம் கர்மம் வா ஸ்யாதி³தி பூர்வேண ஸம்ப³ந்த⁴: ।
தே³ஹாவயவாந்தரேப்⁴யோ நிஷ்க்ரமணே நியாமகமாஹ —
யதே²தி ।
கத²ம் பரலோகாய ப்ரஸ்தி²தமித்யுச்யதே ப்ராணக³மநாதீ⁴நத்வாத்³விஜ்ஞாநாத்மக³மநஸ்யேத்யாஶங்க்யா(அ)(அ)ஹ —
பரலோகாயேதி ।
நநு ஜீவஸ்ய ப்ராணாதி³தாதா³த்ம்யே ஸதி கத²மநுஶப்³தே³ந க்ரமோ விவக்ஷ்யதே தத்ரா(அ)(அ)ஹ —
யதா²ப்ரதா⁴நேதி ।
ப்ரதா⁴நமநதிக்ரம்ய ஹீயமந்வாக்²யாநேச்சா² । ததா² ச ஜீவாதே³: ப்ராதா⁴ந்யாபி⁴ப்ராயேணாநுஶப்³த³ப்ரயோகோ³ ந க்ரமாபி⁴ப்ராயேண தே³ஶகாலபே⁴தா³பா⁴வாதி³த்யர்த²: । ஸார்தே² ஸமூஹே வ்யக்திஷு க்ரமேண க³மநம் த்³ருஶ்யதே ந ததா² ப்ராணாதி³ஷ்விதி வ்யதிரேக: ।
யது³க்தம் ஹ்ருத³யாக்³ரப்ரத்³யோதநம் தத்ஸவிஜ்ஞாநஶ்ருத்யா ப்ரகடயதி —
ததே³தி ।
கர்மவஶாதி³தி விஶேஷணம் ஸாத⁴யதி —
நேதி ।
விபக்ஷே தோ³ஷமாஹ —
ஸ்வாதந்த்ர்யேணேதி ।
இஷ்டாபத்திமாஶங்க்யா(அ)(அ)ஹ —
நைவேதி ।
முமூர்ஷோரஸ்வாதந்த்ர்யே மாநமாஹ —
அத ஏவேதி ।
கர்மவஶாது³க்தம் ஸவிஜ்ஞாநத்வமுபஸம்ஹரதி —
கர்மணேதி ।
அந்த:கரணஸ்ய வ்ருத்திவிஶேஷோ பா⁴விதே³ஹவிஷயஸ்ததா³ஶ்ரிதம் தத்³ரூபம் யத்³வாஸநாத்மகம் விஶேஷவிஜ்ஞாநம் தேநேதி யாவத் ।
ம்ரியமாணஸ்ய ஸவிஜ்ஞாநத்வே ஸத்யர்த²ஸித்³த⁴மர்த²மாஹ —
ஸவிஜ்ஞாநமேவேதி ।
க³ந்தவ்யஸ்ய ஸவிஜ்ஞாநத்வம் விஜ்ஞாநாஶ்ரயத்வமித்யாஶங்க்ய விஶிநஷ்டி —
விஶேஷேதி ।
ப்ரகே³வோத்க்ராந்தே: ஸவிஜ்ஞாநத்வவாதி³ஶ்ருதேஸ்தாத்பர்யமாஹ —
தஸ்மாதி³தி ।
புருஷஸ்ய கர்மாநுஸாரித்வம் தச்ச²ப்³தா³ர்த²: । யோக³ஶ்சித்தவ்ருத்திநிரோத⁴: । தஸ்ய த⁴ர்மா யமநியமப்ரப்⁴ருதய: । தேஷாமநுஸேவநம் புந: புநராவர்தநம் । பரிஸம்க்²யாநாப்⁴யாஸோ யோகா³நுஷ்டா²நம் । கர்தவ்ய இதி ப்ரக்ருதஶ்ருதேர்விதே⁴யோ(அ)ர்த² இதி ஶேஷ: ।
கிஞ்ச புண்யோபசயகர்தவ்யதாரூபே(அ)ர்தே² ஸர்வமேவ விதி⁴காண்ட³ம் பர்யவஸிதமித்யாஹ —
ஸர்வஶாஸ்த்ராணாமிதி ।
ஸர்வஸ்மாதா³கா³மிது³ஶ்சரிதாது³பரமணம் கர்தவ்யமித்யஸ்மிந்நர்தே² நிஷேத⁴ஶாஸ்த்ரமபி பர்யவஸிதமித்யாஹ —
து³ஶ்சரிதாச்சேதி ।
நநு பூர்வம் யதே²ஷ்டசேஷ்டாம் க்ருத்வா மரணகாலே ஸர்வமேதத்ஸம்பாத³யிஷ்யதே நேத்யாஹ —
ந ஹீதி ।
கர்மணா நீயமாநத்வே மாநமாஹ —
புண்ய இதி ।
தர்ஹி புண்யோபசயாதே³வ யதோ²க்தாநர்த²நிவ்ருத்தேர்வ்யர்த²ம் தத்த்வஜ்ஞாநமித்யாஶங்க்யா(அ)(அ)ஹ —
ஏதஸ்யேதி ।
உபஶமோபாயஸ்தத்வஜ்ஞாநம் தஸ்ய விதா⁴நம் ப்ரகாஶநம் தத³ர்த²மிதி யாவத் ।
தே³வதாத்⁴யாநாத³நர்தோ² நிவர்திஷ்யதே கிம் தத்த்வஜ்ஞாநேநேத்யாஶங்க்யா(அ)(அ)ஹ —
ந ஹீதி ।
தத்³விஹிதேதி தச்ச²ப்³தே³ந ப்ரக்ருதா: ஸர்வஶாகோ²பநிஷதோ³ க்³ருஹ்யந்தே ।
விதா⁴ந்தரேணாநர்த²த்⁴வம்ஸாஸித்³தௌ⁴ ப²லிதமாஹ —
தஸ்மாதி³தி ।
ஜ்ஞாபித: ஸவிஜ்ஞாநவாக்யேநேதி ஶேஷ: ।