த்ருணஜலாயுகாவாக்யமவதாரயிதும் வ்ருத்தமநூத்³ய வாதி³விவாதா³ந்த³ர்ஶயந்நாதௌ³ தி³க³ம்ப³ரமதமாஹ —
ஏவமித்யாதி³நா ।
தே³வதாவாதி³மதமாஹ —
அத²வேதி ।
தே³வதா யேந ஶரீரேண விஶிஷ்டம் ஜீவம் பரலோகம் நயதி ததா³திவாஹிகம் ஶரீராந்தரம் தேநேதி யாவத் ।
ஸாங்க்²யாதி³மதமாஹ —
கிஞ்சேதி ।
ஸித்³தா⁴ந்தம் ஸூசயதி —
ஆஹோஸ்விதி³தி ।
வைஶேஷிகாதி³பக்ஷமாஹ —
கிஞ்சேதி ।
ந்யூநத்வநிவ்ருத்த்யர்த²மாஹ —
கிம்வா கல்பாந்தரமிதி ।
தத்ர ஸித்³தா⁴ந்தஸ்ய ப்ராமாணிகத்வேநோபாதே³யத்வம் வத³ந்கல்பநாந்தராணாமப்ராமாணிகத்வேந த்யாஜ்யத்வமபி⁴ப்ரேத்யா(அ)(அ)ஹ —
உச்யத இதி ।
தேஷாம் ஸர்வாத்மகத்வே ஹேத்வந்தரமாஹ —
ஸர்வாத்மகேதி ।
கத²ம் தர்ஹி கரணாநாம் பரிச்சி²ந்நத்வதீ⁴ரித்யாஶங்க்யா(அ)(அ)ஹ —
தேஷாமிதி ।
ஆதி⁴தை³விகேந ரூபேணாபரிச்சி²ந்நாநாமபி கரணாநாமாத்⁴யாத்மிகாதி³ரூபேண பரிச்சி²ந்நதேதி ஸ்தி²தே ப²லிதமாஹ —
அத இதி ।
தத்³வஶாது³தா³ஹ்ருதஶ்ருதிவஶாதி³த்யேதத் । ஸ்வபா⁴வதோ தே³வதாஸ்வரூபாநுஸாரேணேதி யாவத் । கர்மஜ்ஞாநவாஸநாநுரூபேணேத்யத்ர போ⁴க்துரிதி ஶேஷ: । உப⁴யத்ர ஸம்ப³ந்தா⁴ர்த²ம் ப்ராணாநாமிதி த்³விருக்தம் ।
தேஷாம் வ்ருத்திஸம்கோசாதௌ³ ப்ரமாணமாஹ —
ததா² சேதி ।
பரிச்சி²ந்நாபரிச்சி²ந்நப்ராணோபாஸநே கு³ணதோ³ஷஸம்கீர்தநமபி ப்ராணஸம்கோசவிகாஸயோ: ஸூசகமித்யாஹ —
ததா² சேத³மிதி ।
ஆதி⁴தை³விகேந ரூபேண ஸர்வக³தாநாமபி கரணாநாமாத்⁴யாத்மிகாதி⁴பௌ⁴திகரூபேண பரிச்சி²ந்நத்வாத்தத்பரிவ்ருதஸ்ய க³மநம் ஸித்³த்⁴யதீதி ஸித்³தா⁴ந்தோ த³ர்ஶித: ।
இதா³நீம் த்ருணஜலாயுகாத்³ருஷ்டாந்தாத்³தே³ஹாந்தரம் க்³ருஹீத்வா பூர்வதே³ஹம் முஞ்சத்யாத்மேதி ஸ்தூ²லதே³ஹவிஶிஷ்டஸைவ பரலோகக³மநமிதி பௌராணிகப்ரக்ரியாம் ப்ரத்யாக்²யாதும் த்³ருஷ்டாந்தவாக்யஸ்ய தாத்பர்யமாஹ —
தத்ரேத்யாதி³நா ।
தே³ஹநிர்க³மநாத்ப்ராக³வஸ்தா² ஸப்தம்யர்த²: । ததை³வ யதோ²க்தா வாஸநா ஹ்ருத³யஸ்தா² வித்³யாகர்மநிமித்தம் பா⁴விதே³ஹம் ஸ்ப்ருஶதி ஜீவோ(அ)பி தத்ராபி⁴மாநம் கரோதி புநஶ்ச பூர்வதே³ஹம் த்யஜதி யதா² ஸ்வப்நே தே³வோ(அ)ஹமித்யபி⁴மந்யமாநோ தே³ஹாந்தரஸ்த² ஏவ ப⁴வதி ததோ²த்க்ராந்தாவபி । தஸ்மாந்ந பூர்வதே³ஹவிஶிஷ்டஸ்யைவ பரலோகக³மநமித்யர்த²: । ஸ்வாத்மோபஸம்ஹாரோ தே³ஹே பூர்வஸ்மிந்நாத்மாபி⁴மாநத்யாக³: । ப்ரஸாரிதயா வாஸநயா ஶரீராந்தரம் க்³ருஹீத்வேதி ஸம்ப³ந்த⁴: ।