தே³ஶாந்தரப்ராப்த்யாயத்தா முக்திரித்யேதந்நிராகர்தும் ந தஸ்யேத்யாதி³ வ்யாசஷ்டே —
தஸ்யேத்யாதி³நா ।
ப்³ரஹ்மைவ ஸந்நித்யேதத³வதாரயதி —
ஸ சேதி ।
கத²ம் வர்தமாநே தே³ஹே திஷ்ட²ந்நேவ ப்³ரஹ்மபூ⁴தோ ப⁴வதி தத்ரா(அ)(அ)ஹ —
ஸர்வாத்மநோ ஹீதி ।
த்³ருஷ்டாந்தாலோசநயா தா³ர்ஷ்டாந்திகே(அ)பி ஸதா³ ப்³ரஹ்மத்வம் பா⁴தீதி பா⁴வ: ।
ஸதா³ ப்³ரஹ்மீபூ⁴தஸ்ய முக்திர்நாம நாஸ்தீதி ஶங்கித்வா பரிஹரதி —
ஸ கத²மிதி ।
பரிஹாரமேவ ஸ்போ²ரயிதும் ந தஸ்யேத்யாதி³வாக்யார்த²மநுத்³ரவதி —
தஸ்யைவேதி ।
ப்³ரஹ்மைவ ஸந்நித்யஸ்யார்த²மநுவத³தி —
கிந்த்விதி ।
வித்³வாநிஹைவ ப்³ரஹ்ம சேத்கத²ம் தஸ்ய ப்³ரஹ்மப்ராப்திரித்யாஶங்க்யா(அ)(அ)ஹ —
ப்³ரஹ்மைவேதி ।
யது³க்தம் ப்³ரஹ்மைவ ஸந்நித்யாதி³ தது³பபாத³யதி —
யஸ்மாதி³தி ।
ப்ராக³பி ப்³ரஹ்மபூ⁴தஸ்யைவ புநர்தே³ஹபாதே ப்³ரஹ்மப்ராப்திரித்யயுக்தம் விது³ஷாம் ம்ருதஸ்ய பா⁴வாந்தராபத்திஸ்வீகாராதி³த்யாஶங்க்யா(அ)(அ)ஹ —
ந ஹீதி ।
கத²ம் தர்ஹி ப்³ரஹ்மாப்யேதீத்யுச்யதே தத்ரா(அ)(அ)ஹ —
தே³ஹாந்தரேதி ।
விது³ஷோ பா⁴வாந்தராபத்திர்முக்திரிதி பக்ஷே(அ)பி கிம் தூ³ஷணமிதி சேத்ததா³ஹ —
பா⁴வாந்தராபத்தௌ ஹீதி ।
ததா² சோபநிஷதா³மப்ராமாண்யம் விநா ஹேதுநா ஸ்யாதி³தி பா⁴வ: ।
பா⁴வாந்தராபத்திர்முக்திரித்யத்ர தோ³ஷாந்தரமாஹ —
கர்மேதி ।
இதிபதா³து³பரிஷ்டாத்க்ரியாபத³ஸ்ய ஸம்ப³ந்த⁴: ।
அஸ்து கர்மநிமித்தோ மோக்ஷோ ஜ்ஞாநநிமித்தஸ்து மா பூ⁴த்தத்ரா(அ)(அ)ஹ —
ஸ சேதி ।
ப்ரஸம்க³: ஸர்வநாம்நா பராம்ருஶ்யதே । ப்ரதிஷேத⁴ஶாஸ்த்ரவிரோதா⁴தி³தி பா⁴வ: ।
மோக்ஷஸ்ய கர்மஸாத்⁴யத்வே தோ³ஷாந்தரமாஹ —
அநித்யத்வம் சேதி ।
தத்ரோபயுக்தாம் வ்யாப்திமாஹ —
ந ஹீதி ।
அஸ்து தர்ஹி ப்ராஸாதா³தி³வத்க்ரியாஸாத்⁴யஸ்ய மோக்ஷஸ்யாப்யநித்யத்வம் நேத்யாஹ —
நித்யஶ்சேதி ।
க்ருதகோ(அ)பி ப்³ரஹ்மபா⁴வோ த்⁴வம்ஸவந்நித்ய: ஸ்யாதி³த்யாஶங்க்யா(அ)(அ)ஹ —
ந சேதி ।
க்ருத்ரிமஸ்வபா⁴வவ்யாவ்ருத்த்யர்த²ம் ஸ்வாபா⁴விகபத³ம் । ‘அதோ(அ)ந்யதா³ர்தம் ’(ப்³ரு. உ. 3 । 4 । 2) இதி ஹி ஶ்ருதி: । த்⁴வம்ஸஸ்ய து விகல்பமாத்ரத்வாந்நித்யத்வமஸம்மதமிதி பா⁴வ: ।
மோக்ஷோ(அ)க்ருத்ரிமஸ்வபா⁴வோ(அ)பி கர்மோத்த²: ஸ்யாதி³த்யாஶங்க்யா(அ)(அ)ஹ —
ஸ்வாபா⁴விகஶ்சேதி³தி ।
அக்³நேரௌஷ்ண்யவதா³த்மநோ மோக்ஷஶ்ச ஸ்வாபா⁴விகஸ்வபா⁴வஶ்சேந்ந ஸ க்ரியாஸாத்⁴யோ வ்யாகா⁴தாதி³த்யர்த²: ।
த்³ருஷ்டாந்தம் ஸமர்த²யதே —
ந ஹீதி ।
அரணிக³தஸ்யாக்³நேரௌஷ்ண்யப்ரகாஶௌ நோபலப்⁴யதே ஸதி ச ஜ்வலநே த்³ருஶ்யதே தேந ஸ்வாபா⁴விகாவபி தாவாக³ந்துகௌ காதா³சித்கோபலப்³தி⁴மத்த்வாதி³தி ஶங்கதே —
ஜ்வலநேதி ।
ந ஹி ஸதோ(அ)க்³நேரௌஷ்ண்யாதி³ காதா³சித்கம் யுக்தம் தத்³த்³ருஷ்டேர்வ்யவதா⁴நஸ்ய தா³ர்வாதே³ர்த்⁴வம்ஸே மத²நஜ்வலநாதி³நா வஹ்ந்யபி⁴வ்யக்திமபேக்ஷ்ய தத்ஸ்வபா⁴வஸ்யௌஷ்ண்யாதே³ர்வ்யக்த்யப்⁴யுபக³மாதி³தி பரிஹரதி —
நாந்யேதி ।
ததே³வ ப்ரபஞ்சயதி —
ஜ்வலநாதீ³தி ।
மத²நாதி³வ்யாபாரவஶாத்ப்ரகாஶாதி³நா வ்யஜ்யதே(அ)க்³நிரிதி யது³ச்யதே தத³க்³நௌ ஸத்யேவ தத்³க³தவ்யாபாராபேக்ஷயா ததௌ³ஷ்ண்யாத்³யபி⁴வ்யக்திவஶாந்ந ப⁴வதி கிந்து தே³வத³த்தத்³ருஷ்டேரக்³நித⁴ர்மௌ வ்யவஹிதௌ ந து தௌ கஸ்யசித்³த்³ருஷ்ட்யா ஸம்ப³த்⁴யதே ஜ்வலநாதி³வ்யாபாராத்து த்³ருஷ்டேர்வ்யவதா⁴நப⁴ங்கே³ தயோரபி⁴வ்யக்திரித்யர்த²: ।
கத²ம் தர்ஹி ஜ்வலநாதி³வ்யாபாராத³க்³நேரௌஷ்ண்யப்ரகாஶௌ ஜாதாவிதி பு³த்³தி⁴ஸ்தத்ரா(அ)(அ)ஹ —
தத³பேக்ஷயேதி ।
ஜ்வலநாதி³வ்யாபாராத்³த்³ருஷ்டிவ்யவதா⁴நப⁴ங்கே³ வஹ்நேரௌஷ்ண்யப்ரகாஶாபி⁴வ்யக்த்யபேக்ஷயேதி யாவத் ।
யதா² வஹ்நேரௌஷ்ண்யாதி³ ஸ்வாபா⁴விகம் ந க்ரியாஸாத்⁴யம் ததா²(அ)(அ)த்மநோ முக்தி: ஸ்வாபா⁴விகீ ந க்ரியாஸாத்⁴யேத்யுக்தமிதா³நீமக்³நேரௌஷ்ண்யாதி³ ந ஸ்வாபா⁴விகமித்யாஶங்க்யா(அ)(அ)ஹ —
யதீ³தி ।
உதா³ஹரிஷ்யாமோ மோக்ஷஸ்யா(அ)(அ)த்மஸ்வபா⁴வஸ்யாகர்மஸாத்⁴யத்வாயேதி ஶேஷ: ।
அதா²க்³நே: ஸ்வாபா⁴விகோ ந கஶ்சித்³த⁴ர்மோ(அ)ஸ்தி யோ மோக்ஷஸ்ய த்³ருஷ்டாந்த: ஸ்யாத³த ஆஹ —
ந சேதி ।
லப்³தா⁴த்மகம் ஹி வஸ்து வஸ்த்வந்தரேண ஸம்ப³த்⁴யதே । அஸ்தி ச நிம்பா³தௌ³ திக்தத்வாதி³தீ⁴ரித்யர்த²: ।