ப்³ரஹ்மவிதோ³ வித்³யயா க்ருதக்ருத்யத்வே ஶ்ருதிஸம்ப்ரதிபத்திரேவ கேவலம் ந ப⁴வதி கிந்து ஸ்வாநுப⁴வஸப்ரதிபத்திரஸ்தீத்யாஹ —
கிஞ்சேதி ।
அதே²த்யஸ்ய கத²ஞ்சிதி³வேதி வ்யாக்²யாநம் ।
ததி³த்யஸ்ய ப்³ரஹ்மதத்வமித்யுக்தார்த²ம் ஸ்பு²டயதி —
ததே³ததி³தி ।
ப்³ரஹ்மஜ்ஞாநே க்ருதார்த²த்வம் ஶ்ருத்யநுப⁴வாப்⁴யாமுக்த்வா தத³பா⁴வே தோ³ஷமாஹ —
யதே³ததி³தி ।
தர்ஹி மஹதீ விநஷ்டிரிதி ஸம்ப³ந்த⁴: ।
ப³ஹுத்வம் ந விவக்ஷிதம் ஜ்ஞாநாந்மோக்ஷோ(அ)த்ர விவக்ஷித இத்யபி⁴ப்ரேத்ய வேதி³ரித்யஸ்யார்த²மாஹ —
வேத³நமித்யாதி³நா ।
ந சேத்³ப்³ரஹ்ம விதி³தவந்தோ வயம் ததோ(அ)ஹமவேதி³: ஸ்யாமிதி யோஜநா ।
வித்³யாபா⁴வே தோ³ஷமுக்த்வா வித்³வத³நுப⁴வஸித்³த⁴மர்த²ம் நிக³மயதி —
அஹோ வயமிதி ।
இஹைவேத்யாதி³நா பூர்வார்தே⁴நோக்தமேவார்த²முத்தரார்தே⁴ந ப்ரபஞ்சயதி —
யதா² சேத்யாதி³நா ।
து³:கா²த³விது³ஷாம் விநிர்மோகாபா⁴வே ஹேதுமாஹ —
து³:க²மேவேதி ॥ 14 ॥