அது⁴நா த³மாதி³ஸாத⁴நத்ரயவிதா⁴நார்தோ²(அ)யமாரம்ப⁴: — த்ரயா:, த்ரிஸங்க்²யாகா: ப்ராஜாபத்யா: ப்ரஜாபதேரபத்யாநி ப்ராஜாபத்யா:, தே கிம் ? ப்ரஜாபதௌ பிதரி ப்³ரஹ்மசர்யம் ஶிஷ்யத்வவ்ருத்தேர்ப்³ரஹ்மசர்யஸ்ய ப்ராதா⁴ந்யாத் ஶிஷ்யா: ஸந்தோ ப்³ரஹ்மசர்யம் ஊஷு: உஷிதவந்த இத்யர்த²: । கே தே ? விஶேஷத: தே³வா மநுஷ்யா அஸுராஶ்ச । தே ச உஷித்வா ப்³ரஹ்மசர்யம் கிமகுர்வந்நித்யுச்யதே — தேஷாம் தே³வா ஊசு: பிதரம் ப்ரஜாபதிம் । கிமிதி ? ப்³ரவீது கத²யது, ந: அஸ்மப்⁴யம் யத³நுஶாஸநம் ப⁴வாநிதி । தேப்⁴ய: ஏவமர்தி²ப்⁴ய: ஹ ஏதத³க்ஷரம் வர்ணமாத்ரம் உவாச — த³ இதி । உக்த்வா ச தாந் பப்ரச்ச² பிதா — கிம் வ்யஜ்ஞாஸிஷ்டா3 இதி, மயா உபதே³ஶார்த²மபி⁴ஹிதஸ்யாக்ஷரஸ்ய அர்த²ம் விஜ்ஞாதவந்த: ஆஹோஸ்விந்நேதி । தே³வா ஊசு: — வ்யஜ்ஞாஸிஷ்மேதி, விஜ்ஞாதவந்தோ வயம் । யத்³யேவம் , உச்யதாம் கிம் மயோக்தமிதி । தே³வா ஊசு: — தா³ம்யத, அதா³ந்தா யூயம் ஸ்வபா⁴வத: அதோ தா³ந்தா ப⁴வதேதி ந: அஸ்மாந் ஆத்த² கத²யஸி । இதர ஆஹ — ஓமிதி ஸம்யக்³வ்யஜ்ஞாஸிஷ்டேதி ॥