மந்த்ரமேவம் வ்யாக்²யாய ப்³ராஹ்மணமவதார்ய வ்யாசஷ்டே —
தத்ரேத்யாதி³நா ।
மந்த்ர: ஸப்தம்யர்த²: ।
நநு யதோ²க்தம் தத்த்வம் ஸ்வேநைவ ரூபேண ப்ரதிபத்தும் ஶக்யதே கிம் ப்ரதீகோபதே³ஶேநேத்யாஶங்க்யா(அ)(அ)ஹ —
யத்ததி³தி ।
பா⁴வவிஶேஷோ பு³த்³தே⁴ர்விஷயபாரவஶ்யம் பரிஹ்ருத்ய ப்ரத்யக்³ப்³ரஹ்மஜ்ஞாநாபி⁴முக்²யம் ।
ஓங்காரே ப்³ரஹ்மாவேஶநமுதா³ஹரணேந த்³ரட⁴யதி —
யதே²தி ।
கல்பாந்தரமாஹ —
வாயுரமித்யாதி³நா ।
கிமிதி ஸூத்ராதி⁴கரணமவ்யாக்ருதமாகாஶமத்ர க்³ருஹ்யதே தத்ரா(அ)(அ)ஹ —
வாயுரே ஹீதி ।
ததே³வ பூ⁴தாகாஶாத்மநா விபரிணதமிதி பா⁴வ: ।
தர்ஹி பக்ஷத்³வயே ஸம்ப்லவமாநே க: ஸித்³தா⁴ந்த: ஸ்யாதி³த்யாஶங்க்யாதி⁴காரிபே⁴த³மாஶ்ரித்யா(அ)(அ)ஹ —
தத்ரேதி ।
ஶ்ருத்யந்தரஸ்யாந்யதா²ஸித்³தி⁴ஸம்ப⁴வாதோ³ங்காரஸ்ய ப்ரதீகத்வே(அ)பி விப்ரதிபத்திமாஶங்க்யா(அ)(அ)ஹ —
கேவலமிதி ।
இதரத்ர விப்ரதிபத்தித்³யோதகாபா⁴வாதி³தி பா⁴வ: ।
ப்ரதீகபக்ஷமுபபாத்³யாபி⁴தா⁴நபக்ஷமுபபாத³யதி —
வேதோ³(அ)யமிதி ।
ததே³வ ப்ரபஞ்சயதி —
தேநேதி ।
வேதே³த்யத்ரா(அ)(அ)தௌ³ தச்ச²ப்³தோ³ த்³ரஷ்டவ்ய: ।
ப்³ராஹ்மணா விது³ரிதி விஶேஷநிர்தே³ஶஸ்ய தாத்பர்யமாஹ —
தஸ்மாதி³தி ।
ப்ரதீகபக்ஷே(அ)பி வேதோ³(அ)யமித்யாதி³க்³ரந்தோ² நிர்வஹதீத்யாஹ —
அத²வேதி ।
வித்⁴யபா⁴வே கத²மர்த²வாத³: ஸம்ப⁴வதீத்யாஶங்க்ய பரிஹரதி —
கத²மித்யாதி³நா ।
வேத³த்வேந ஸ்துதிமோங்காரஸ்ய ஸம்க்³ரஹவிவரணாப்⁴யாம் த³ர்ஶயதி —
ஸர்வோ ஹீதி ।
ஓங்காரே ஸர்வஸ்ய நாமஜாதஸ்யாந்தர்பா⁴வே ப்ரமாணமாஹ —
தத்³யதே²தி ।
தத்ரைவ ஹேத்வந்தரமவதார்ய வ்யாகரோதி —
இதஶ்சேதி ।
வேதி³தவ்யம் பரமபரம் வா ப்³ரஹ்ம । ‘த்³வே ப்³ரஹ்மணோ வேதி³தவ்யே’ இதி ஶ்ருத்யந்தராத் ।
தத்³வேத³நஸாத⁴நத்வே(அ)பி கத²மோங்காரஸ்ய வேத³த்வமித்யாஶங்க்யா(அ)(அ)ஹ —
இதரஸ்யாபீதி ।
அத ஏவ வேதி³தவ்யவேத³நஹேதுத்வாதே³வேத்யர்த²: ।
ப்ரதீகபக்ஷே வாக்யயோஜநாம் நிக³மயதி —
தஸ்மாதி³தி ।
அபி⁴தா⁴நபக்ஷே ப்ரதீகபக்ஷே சைகம் வாக்யமேகைகத்ர யோஜயித்வா பக்ஷத்³வயே(அ)பி ஸாதா⁴ரண்யேந யோஜயதி —
அத²வேதி ।
தஸ்ய பூர்வோக்தநீத்யா வேத³த்வே லாப⁴ம் த³ர்ஶயதி —
தஸ்மிந்நிதி ।
ஓங்காரஸ்ய ப்³ரஹ்மோபாஸ்திஸாத⁴நத்வமித்த²ம் ஸித்³த⁴மித்யுபஸம்ஹர்துமிதிஶப்³த³: ।