த்⁴யாநஶேஷத்வேநோபநிஷத³ர்த²ம் ப்³ரஹ்மாநூத்³ய தத்³விதா⁴நார்த²ம் தஸ்மிந்விநியுக்தம் மந்த்ரமுத்தா²பயதி —
ஓம் க²மிதி ।
இஷே த்வேத்யாதி³வத்தஸ்ய கர்மாந்தரே விநியுக்தத்வமாஶங்க்யா(அ)(அ)ஹ —
அயம் சேதி ।
விநியோஜகாபா⁴வாதி³தி பா⁴வ: ।
தர்ஹி த்⁴யாநே(அ)பி நாயம் விநியுக்தோ விநியோஜகாபா⁴வாவிஶேஷாதி³த்யாஶங்க்யா(அ)(அ)ஹ —
இஹேதி ।
க²ம் புராணமித்யாதி³ ப்³ராஹ்மணம் தஸ்ய ச விநியோஜகத்வம் த்⁴யாநஸமவேதார்த²ப்ரகாஶநஸாமர்த்²யாத் । யத்³யபி மந்த்ரநிஷ்ட²ம் ஸாமர்த்²யம் விநியோஜகம் ததா²(அ)பி மந்த்ரப்³ராஹ்மணயோரேகார்த²த்வாத்³ப்³ராஹ்மணஸ்ய ஸாமர்த்²யத்³வாரா விநியோஜகத்வமவிருத்³த⁴மிதி பா⁴வ: । அத்ரேதி மந்த்ரோக்தி: ।
விஶேஷணவிஶேஷ்யத்வே யதோ²க்தஸாமாநாதி⁴கரண்யம் ஹேதூகரோதி —
விஶேஷணேதி ।
ப்³ரஹ்மேத்யுக்தே ஸத்யாகாங்க்ஷாபா⁴வாத்கிம் விஶேஷணேநேத்யாஶங்க்யா(அ)(அ)ஹ —
ப்³ரஹ்மஶப்³த³ இதி ।
நிருபாதி⁴கஸ்ய ஸோபாதி⁴கஸ்ய வா ப்³ரஹ்மணோ விஶேஷணத்வே(அ)பி கத²ம் தஸ்மிந்நோம்ஶப்³த³ப்ரவ்ருத்திரித்யாஶங்க்யா(அ)(அ)ஹ —
யத்ததி³தி ।
கிமிதி யதோ²க்தே ப்³ரஹ்மண்யோம்ஶப்³தோ³ மந்த்ரே ப்ரயுஜ்யதே தத்ரா(அ)(அ)ஹ —
இஹ சேதி ।
ஓம்ஶப்³தோ³ ப்³ரஹ்மோபாஸநே ஸாத⁴நமித்யத்ர மாநமாஹ —
ததா² சேதி ।
ஸாபேக்ஷம் ஶ்ரைஷ்ட்²யம் வாரயதி —
பரமிதி ।
ஆதி³ஶப்³தே³ந ப்ரணவோ த⁴நுரித்யாதி³ க்³ருஹ்யதே ।
ஓம் ப்³ரஹ்மேதி ஸாமாநாதி⁴கரண்யோபதே³ஶஸ்ய ப்³ரஹ்மோபாஸநே ஸாத⁴நத்வமோங்காரஸ்யேத்யஸ்மாத³ர்தா²ந்தராஸம்ப⁴வாச்ச தஸ்ய தத்ஸாதா⁴நத்வமேஷ்டவ்யமித்யாஹ —
அந்யார்தே²தி ।
ஏததே³வ ப்ரபஞ்சயதி —
யதே²த்யாதி³நா ।
அந்யத்ரேதி । தைத்திரீயஶ்ருதிக்³ரஹணம் । அபவர்க³: ஸ்வாத்⁴யாயாவஸாநம் ।
அர்தா²ந்தராவக³தேரபா⁴வே ப²லிதமாஹ —
தஸ்மாதி³தி ।
நநு ஶப்³தா³ந்தரேஷ்வபி ப்³ரஹ்மவாசகேஷு ஸத்ஸு கிமித்யோம்ஶப்³த³ ஏவ த்⁴யாநஸாத⁴நத்வேநோபதி³ஶ்யதே தத்ரா(அ)(அ)ஹ —
யத்³யபீதி ।
நேதி³ஷ்ட²ம் நிகடதமம் ஸம்ப்ரியதமமித்யர்த²: ।
ப்ரியதமத்வப்ரயுக்தம் ப²லமாஹ —
அத ஏவேதி ।
ஸாத⁴நத்வே(அ)வாந்தரவிஶேஷம் த³ர்ஶயதி —
தச்சேதி ।
ப்ரதீகத்வேந கத²ம் ஸாத⁴நத்வமிதி ப்ருச்ச²தி —
ப்ரதீகத்வேநேதி ।
கத²மித்யத்⁴யாஹார: ।
பரிஹரதி —
யதே²தி ।
ஓங்காரோ ப்³ரஹ்மேதி ப்ரதிபத்தௌ கிம் ஸ்யாத்ததா³ஹ —
ததா² ஹீதி ।