యజురితి చోపాసీత ప్రాణమ్ ; ప్రాణో వై యజుః ; కథం యజుః ప్రాణః ? ప్రాణే హి యస్మాత్ సర్వాణి భూతాని యుజ్యన్తే ; న హి అసతి ప్రాణే కేనచిత్ కస్యచిత్ యోగసామర్థ్యమ్ ; అతో యునక్తీతి ప్రాణో యజుః । ఎవంవిదః ఫలమాహ — యుజ్యన్తే ఉద్యచ్ఛన్తే ఇత్యర్థః, హ అస్మై ఎవంవిదే, సర్వాణి భూతాని, శ్రైష్ఠ్యం శ్రేష్ఠభావః తస్మై శ్రైష్ఠ్యాయ శ్రేష్ఠభావాయ, అయం నః శ్రేష్ఠో భవేదితి ; యజుషః ప్రాణస్య సాయుజ్యమిత్యాది సర్వం సమానమ్ ॥