అన్నప్రాణయోర్గుణద్వయవిశిష్టయోర్మిలితయోరుపాసనముక్తమిదానీం బ్రాహ్మణాన్తరమాదాయ తాత్పర్యమాహ —
ఉక్థమితి ।
సత్సు శస్త్రాన్తరేషు కిమిత్యుక్థముపాస్యత్వేనోపన్యస్యతే తత్రాఽఽహ —
తద్ధీతి ।
కస్మిన్కిమారోప్య కస్యోపాస్యత్వమితి ప్రశ్నద్వారా వివృణోతి —
కిం పునరితి ।
తస్మిన్నుక్థదృష్టౌ హేతుమాహ —
ప్రాణశ్చేతి ।
తస్మిన్నుక్థశబ్దస్య సమవేతార్థత్వం ప్రశ్నపూర్వకమాహ —
కథమిత్యాదినా ।
ఉత్థానస్య స్వతోఽపి సంభవాన్న ప్రాణకృతత్వమిత్యాశఙ్క్యాఽఽహ —
న హీతి ।
ఉక్థస్య ప్రాణస్యైతద్విజ్ఞానతారతమ్యమపేక్ష్య సాయుజ్యం సాలోక్యం చ వ్యాఖ్యేయమ్ ॥౧॥