ತಂ ಪ್ರಾಣಂ ಕ್ಷತ್ತ್ರಮಿತ್ಯುಪಾಸೀತ । ಪ್ರಾಣೋ ವೈ ಕ್ಷತ್ತ್ರಮ್ ; ಪ್ರಸಿದ್ಧಮ್ ಏತತ್ — ಪ್ರಾಣೋ ಹಿ ವೈ ಕ್ಷತ್ತ್ರಮ್ । ಕಥಂ ಪ್ರಸಿದ್ಧತೇತ್ಯಾಹ — ತ್ರಾಯತೇ ಪಾಲಯತಿ ಏವಂ ಪಿಂಡಂ ದೇಹಂ ಪ್ರಾಣಃ, ಕ್ಷಣಿತೋಃ ಶಸ್ತ್ರಾದಿಹಿಂಸಿತಾತ್ ಪುನಃ ಮಾಂಸೇನ ಆಪೂರಯತಿ ಯಸ್ಮಾತ್ , ತಸ್ಮಾತ್ ಕ್ಷತತ್ರಾಣಾತ್ ಪ್ರಸಿದ್ಧಂ ಕ್ಷತ್ತ್ರತ್ವಂ ಪ್ರಾಣಸ್ಯ । ವಿದ್ವತ್ಫಲಮಾಹ — ಪ್ರ ಕ್ಷತ್ತ್ರಮತ್ರಮ್ , ನ ತ್ರಾಯತೇ ಅನ್ಯೇನ ಕೇನಚಿದಿತ್ಯತ್ರಮ್ , ಕ್ಷತ್ತ್ರಂ ಪ್ರಾಣಃ, ತಮ್ ಅತ್ರಂ ಕ್ಷತ್ತ್ರಂ ಪ್ರಾಣಂ ಪ್ರಾಪ್ನೋತೀತ್ಯರ್ಥಃ । ಶಾಖಾಂತರೇ ವಾ ಪಾಠಾತ್ ಕ್ಷತ್ತ್ರಮಾತ್ರಂ ಪ್ರಾಪ್ನೋತಿ, ಪ್ರಾಣೋ ಭವತೀತ್ಯರ್ಥಃ । ಕ್ಷತ್ತ್ರಸ್ಯ ಸಾಯುಜ್ಯಂ ಸಲೋಕತಾಂ ಜಯತಿ, ಯ ಏವಂ ವೇದ ॥