తం ప్రాణం క్షత్త్రమిత్యుపాసీత । ప్రాణో వై క్షత్త్రమ్ ; ప్రసిద్ధమ్ ఎతత్ — ప్రాణో హి వై క్షత్త్రమ్ । కథం ప్రసిద్ధతేత్యాహ — త్రాయతే పాలయతి ఎవం పిణ్డం దేహం ప్రాణః, క్షణితోః శస్త్రాదిహింసితాత్ పునః మాంసేన ఆపూరయతి యస్మాత్ , తస్మాత్ క్షతత్రాణాత్ ప్రసిద్ధం క్షత్త్రత్వం ప్రాణస్య । విద్వత్ఫలమాహ — ప్ర క్షత్త్రమత్రమ్ , న త్రాయతే అన్యేన కేనచిదిత్యత్రమ్ , క్షత్త్రం ప్రాణః, తమ్ అత్రం క్షత్త్రం ప్రాణం ప్రాప్నోతీత్యర్థః । శాఖాన్తరే వా పాఠాత్ క్షత్త్రమాత్రం ప్రాప్నోతి, ప్రాణో భవతీత్యర్థః । క్షత్త్రస్య సాయుజ్యం సలోకతాం జయతి, య ఎవం వేద ॥