வ்ருத்தமநூத்³ய கா³யத்ரீப்³ராஹ்மணஸ்ய தாத்பர்யமாஹ —
ப்³ரஹ்மண இத்யாதி³நா ।
ச²ந்தோ³ந்தரேஷ்வபி வித்³யமாநேஷு கிமிதி கா³யத்ர்யுபாதி⁴கமேவ ப்³ரஹ்மோபாஸ்யமிஷ்யதே தத்ரா(அ)(அ)ஹ —
ஸர்வச்ச²ந்த³ஸாமிதி ।
தத்ப்ராதா⁴ந்யே ஹேதுமாஹ —
தத்ப்ரயோக்த்ரிதி ।
துல்யம் ப்ரயோக்த்ருப்ராணத்ராணஸாமர்த்²யம் ச²ந்தோ³(அ)ந்தராணாமபீதி சேந்நேத்யாஹ —
ந சேதி ।
ப்ரமாணாபா⁴வாதி³தி பா⁴வ: ।
கிஞ்ச ப்ராணாத்மபா⁴வோ கா³யத்ர்யா விவக்ஷ்யதே ப்ராணஶ்ச ஸர்வேஷாம் ச²ந்த³ஸாம் நிர்வர்தகத்வாதா³த்மா ததா² ச ஸர்வச்ச²ந்தோ³வ்யாபககா³யத்ர்யுபாதி⁴கப்³ரஹ்மோபாஸநமேவாத்ர விவக்ஷிதமித்யாஹ —
ப்ராணாத்மேதி ।
ததா³த்மபூ⁴தா கா³யத்ரீத்யுக்தம் வ்யக்தீகரோதி —
ப்ராணஶ்சேதி ।
தத்ப்ரயோக்த்ருக³யத்ராணாத்³தி⁴ கா³யத்ரீ । ப்ராணஶ்ச வாகா³தீ³நாம் த்ராதா । ததஶ்சைகலக்ஷணத்வாத்தயோஸ்தாதா³த்ம்யமித்யர்த²: ।
ப்ராணகா³யத்ர்யோஸ்தாதா³த்ம்யே ப²லிதமாஹ —
தஸ்மாதி³தி ।
கா³யத்ரீப்ராதா⁴ந்யே ஹேத்வந்தரமாஹ —
த்³விஜோத்தமேதி ।
ததே³வ ஸ்பு²டயதி —
கா³யத்ர்யேதி ।
தத்ப்ராதா⁴ந்யே ஹேத்வந்தரமாஹ —
ப்³ராஹ்மணா இதி ।
கத²மேதாவதா கா³யத்ரீப்ராதா⁴ந்யம் தத்ரா(அ)(அ)ஹ —
தச்சேதி ।
அதோ வக்தவ்யமித்யத்ராத: ஶப்³தா³ர்த²மாஹ —
கா³யத்ர்யா ஹீதி ।
அதி⁴காரித்வக்ருதம் கார்யமாஹ —
அத இதி ।
தச்ச²ப்³தோ³ கா³யத்ரீவிஷய: ।
கா³யத்ரீவைஶிஷ்ட்யம் பராம்ருஶ்ய ப²லிதமுபஸம்ஹரதி —
தஸ்மாதி³தி ।
கா³யத்ரீப்ரத²மபாத³ஸ்ய ஸப்தாக்ஷரத்வம் ப்ரதீயதே ந த்வஷ்டாக்ஷரத்வமித்யாஶங்க்யா(அ)(அ)ஹ —
யகாரேணேதி ।
கா³யத்ரீப்ரத²மபாத³ஸ்ய த்ரைலோக்யநாம்நஶ்ச ஸம்க்²யாஸாமாந்யப்ரயுக்தம் கார்யமாஹ —
ஏததி³தி ।
கா³யத்ரீப்ரத²மபாதே³ த்ரைலோக்யத்³ருஷ்ட்யாரோபஸ்ய ப்ரயோஜநம் த³ர்ஶயதி —
ஏவமிதி ।
ப்ரத²மபாத³ஜ்ஞாநே விராடா³த்மகத்வம் ப²லதீத்யர்த²: ॥1॥