ஓங்காரோ த³மாதி³த்ரயம் ப்³ரஹ்மாப்³ரஹ்மோபாஸநாநி தத்ப²லம் தத³ர்தா² க³திராதி³த்யாத்³யுபஸ்தா²நமித்யேஷோ(அ)ர்த²: ஸப்தமே நிவ்ருத்த: । ஸம்ப்ரதி ப்ராதா⁴ந்யேநாப்³ரஹ்மோபாஸநம் ஸப²லம் ஶ்ரீமந்தா²தி³கர்ம ச வக்தவ்யமித்யஷ்டமமத்⁴யாயமாரப⁴மாணோ ப்³ராஹ்மணஸம்க³திமாஹ —
ப்ராண இதி ।
தஸ்மாத்ப்ராணோ கா³யத்ரீதி யுக்தமுக்தமிதி ஶேஷ: ।
ப்ராணஸ்ய ஜ்யேஷ்ட²த்வாதி³ நாத்³யாபி நிர்தா⁴ரிதமிதி ஶங்கித்வா பரிஹரதி —
கத²மித்யாதி³நா ।
ப்ரகாராந்தரேண பூர்வோத்தரக்³ரந்த²ஸம்க³திமாஹ —
அத²வேதி ।
ஆதி³ஶப்³தா³த³ந்நவைஶிஷ்ட்யாதி³நிர்தே³ஶ: । தத்ரேதி ப்ராணஸ்யைவ விஶிஷ்டகு³ணகஸ்யோபாஸ்யத்வோக்தி: । ஹேதுர்ஜ்யேஷ்ட²த்வாதி³ஸ்தந்மாத்ரமிஹாநந்தரக்³ரந்தே² கத்²யத இதி ஶேஷ: ।
ததே³வம் பூர்வக்³ரந்த²ஸ்ய ஹேதுமத்த்வாது³த்தரஸ்ய ச ஹேதுத்வாதா³நந்தர்யேண பௌர்வாபர்யேண பூர்வக்³ரந்தே²ந ஸஹோத்தரக்³ரந்த²ஜாதம் ஸம்ப³த்⁴யத இதி ப²லிதமாஹ —
ஆநந்தர்யேணேதி ।
வக்ஷ்யமாணப்ராணோபாஸநஸ்ய பூர்வோக்தோக்தா²த்³யுபாஸ்திஶேஷத்வமாஶங்க்ய கு³ணபே⁴தா³த்ப²லபே⁴தா³ச்ச நைவமித்யபி⁴ப்ரேத்யா(அ)(அ)ஹ —
ந புநரிதி ।
கிமிதி ப்ராணோபாஸநமிஹ ஸ்வதந்த்ரமுபதி³ஶ்யதே தத்ரா(அ)(அ)ஹ —
கி²லத்வாதி³தி ।
இதிஶப்³தோ³ ப்³ராஹ்மணாரம்போ⁴பஸம்ஹாரார்த²: ।
ஏவம் ப்³ராஹ்மணாரம்ப⁴ம் ப்ரதிபாத்³யாக்ஷராணி வ்யாசஷ்டே —
ய: கஶ்சிதி³த்யாதி³நா ।
யச்ச²ப்³த³ஸ்ய புநருபாதா³நமந்வயார்த²ம் ।
நிபாதயோரர்த²மவதா⁴ரணமேவ ப்ராகு³க்தம் ப்ரகடயதி —
ப⁴வத்யேவேதி ।
ப்ரஶ்நாய கோ(அ)ஸௌ ஜ்யேஷ்ட²ஶ்ச ஶ்ரேஷ்ட²ஶ்சேதி ப்ரஶ்நஸ்தத³ர்த²மிதி யாவத் ।
ப்ராணஸ்ய ஜ்யேஷ்ட²த்வாதி³கமாக்ஷிபதி —
கத²மிதி ।
தத்ர ஹேதுமாஹ —
யஸ்மாதி³தி ।
தஸ்மாஜ்ஜ்யேஷ்ட²த்வாதி³கம் துல்யமேவேதி ஶேஷ: ।
ஸம்ப³ந்தா⁴விஶேஷமங்கீ³க்ருத்ய ஜ்யேஷ்ட²த்வம் ப்ராணஸ்ய ஸாத⁴யதி —
ததா²(அ)பீதி ।
உக்தமேவ ஸமர்த²யதே —
நிஷேககாலாதி³தி ।
தத்ராபி விப்ரதிபந்நம் ப்ரத்யாஹ —
ப்ராணே ஹீதி ।
ஜ்யேஷ்ட²த்வேநைவ ஶ்ரேஷ்ட²த்வே ஸித்³தே⁴ கிமிதி புநருக்திரித்யாஶங்க்யா(அ)(அ)ஹ —
ப⁴வதி த்விதி ।
ஜ்யேஷ்ட²த்வே ஸத்யபி ஶ்ரேஷ்ட²த்வாபா⁴வமுக்த்வா தஸ்மிந்ஸத்யபி ஜ்யேஷ்ட²த்வாபா⁴வமாஹ —
மத்⁴யம இதி ।
இஹேதி ப்ராணோக்தி: ।
ப்ராணஶ்ரேஷ்ட²த்வே ப்ரமாணாபா⁴வமாஶங்க்ய ப்ரத்யாஹ —
கத²மித்யாதி³நா ।
பூர்வோக்தமுபாஸ்திப²லமுபஸம்ஹரதி —
ஸர்வதா²(அ)பீதி ।
ஆரோபேணாநாரோபேண வேத்யர்த²: ।
ஜ்யேஷ்ட²ஸ்ய வித்³யாப²லத்த்வமாக்ஷிபதி —
நந்விதி ।
தஸ்ய வித்³யாப²லத்வம் ஸாத⁴யதி —
உச்யத இதி ।
இச்சா²தோ ஜ்யைஷ்ட்²யம் து³:ஸாத்⁴யமிதி தோ³ஷஸ்யாஸத்த்வமாஹ —
நேதி ।
தத்ர ஹேதுமாஹ —
ப்ராணவதி³தி ।
யதா² ப்ராணக்ருதாஶநாதி³ப்ரயுக்தஶ்சக்ஷுராதீ³நாம் வ்ருத்திலாப⁴ஸ்ததா² ப்ராணோபாஸகாதீ⁴நம் ஜீவநமந்யேஷாம் ஸ்வாநாம் ச ப⁴வதீதி ப்ராணத³ர்ஶிநோ ஜ்யேஷ்ட²த்வம் ந வயோநிப³ந்த⁴நமித்யர்த²: ॥1॥