ಯೋ ಹ ವೈ ಸಂಪದಂ ವೇದ, ಸಂಪದ್ಗುಣಯುಕ್ತಂ ಯೋ ವೇದ, ತಸ್ಯ ಏತತ್ಫಲಮ್ ; ಅಸ್ಮೈ ವಿದುಷೇ ಸಂಪದ್ಯತೇ ಹ ; ಕಿಮ್ ? ಯಂ ಕಾಮಂ ಕಾಮಯತೇ, ಸ ಕಾಮಃ । ಕಿಂ ಪುನಃ ಸಂಪದ್ಗುಣಕಮ್ ? ಶ್ರೋತ್ರಂ ವೈ ಸಂಪತ್ । ಕಥಂ ಪುನಃ ಶ್ರೋತ್ರಸ್ಯ ಸಂಪದ್ಗುಣತ್ವಮಿತ್ಯುಚ್ಯತೇ — ಶ್ರೋತ್ರೇ ಸತಿ ಹಿ ಯಸ್ಮಾತ್ ಸರ್ವೇ ವೇದಾ ಅಭಿಸಂಪನ್ನಾಃ, ಶ್ರೋತ್ರೇಂದ್ರಿಯವತೋಽಧ್ಯೇಯತ್ವಾತ್ ; ವೇದವಿಹಿತಕರ್ಮಾಯತ್ತಾಶ್ಚ ಕಾಮಾಃ ; ತಸ್ಮಾತ್ ಶ್ರೋತ್ರಂ ಸಂಪತ್ । ಅತೋ ವಿಜ್ಞಾನಾನುರೂಪಂ ಫಲಮ್ , ಸಂ ಹಾಸ್ಮೈ ಪದ್ಯತೇ, ಯಂ ಕಾಮಂ ಕಾಮಯತೇ, ಯ ಏವಂ ವೇದ ॥