अद्वैतशारदा | दक्षिणाम्नाय श्रीशारदापीठम्, शृङ्गेरी

ಅಥೈನಮಗ್ನಯೇ ಹರಂತಿ ತಸ್ಯಾಗ್ನಿರೇವಾಗ್ನಿರ್ಭವತಿ ಸಮಿತ್ಸಮಿದ್ಧೂಮೋ ಧೂಮೋಽರ್ಚಿರರ್ಚಿರಂಗಾರಾ ವಿಸ್ಫುಲಿಂಗಾ ವಿಸ್ಫುಲಿಂಗಾಸ್ತಸ್ಮಿನ್ನೇತಸ್ಮಿನ್ನಗ್ನೌ ದೇವಾಃ ಪುರುಷಂ ಜುಹ್ವತಿ ತಸ್ಯಾ ಆಹುತ್ಯೈ ಪುರುಷೋ ಭಾಸ್ವರವರ್ಣಃ ಸಂಭವತಿ ॥ ೧೪ ॥

ಅಥ ತದಾ ಏನಂ ಮೃತಮ್ ಅಗ್ನಯೇ ಅಗ್ನ್ಯರ್ಥಮೇವ ಅಂತ್ಯಾಹುತ್ಯೈ ಹರಂತಿ ಋತ್ವಿಜಃ ; ತಸ್ಯ ಆಹುತಿಭೂತಸ್ಯ ಪ್ರಸಿದ್ಧಃ ಅಗ್ನಿರೇವ ಹೋಮಾಧಿಕರಣಮ್ , ನ ಪರಿಕಲ್ಪ್ಯೋಽಗ್ನಿಃ ; ಪ್ರಸಿದ್ಧೈವ ಸಮಿತ್ ಸಮಿತ್ ; ಧೂಮೋ ಧೂಮಃ ; ಅರ್ಚಿಃ ಅರ್ಚಿಃ ; ಅಂಗಾರಾ ಅಂಗಾರಾಃ ; ವಿಸ್ಫುಲಿಂಗಾ ವಿಸ್ಫುಲಿಂಗಾಃ ; ಯಥಾಪ್ರಸಿದ್ಧಮೇವ ಸರ್ವಮಿತ್ಯರ್ಥಃ । ತಸ್ಮಿನ್ ಪುರುಷಮ್ ಅಂತ್ಯಾಹುತಿಂ ಜುಹ್ವತಿ ; ತಸ್ಯೈ ಆಹುತ್ಯೈ ಆಹುತೇಃ, ಪುರುಷಃ ಭಾಸ್ವರವರ್ಣಃ ಅತಿಶಯದೀಪ್ತಿಮಾನ್ , ನಿಷೇಕಾದಿಭಿರಂತ್ಯಾಹುತ್ಯಂತೈಃ ಕರ್ಮಭಿಃ ಸಂಸ್ಕೃತತ್ವಾತ್ , ಸಂಭವತಿ ನಿಷ್ಪದ್ಯತೇ ॥

ನಿಷೇಕಾದಿಭಿರಿತಿ ॥೧೪॥ ;

ವಕ್ಷ್ಯಮಾಣಕೀಟಾದಿದೇಹವ್ಯಾವೃತ್ತಯೇ ಭಾಸ್ವರವರ್ಣವಿಶೇಷಣಮ್ । ದೀಪ್ತ್ಯತಿಶಯವತ್ತ್ವೇ ಹೇತುಮಾಹ —

ನಿಷೇಕಾದಿಭಿರಿತಿ ॥೧೪॥