ப்³ராஹ்மணாந்தரமாவதார்ய ஸம்க³திமாஹ —
ஸ ய இதி ।
தத்ரேதி நிர்தா⁴ரணே ஸப்தமீ ।
கத²ம் தர்ஹி வித்தோபார்ஜநம் ஸம்ப⁴வதி தத்ரா(அ)(அ)ஹ —
தச்சேதி ।
தத³ர்த²ம் வித்தஸித்³த்⁴யர்த²மிதி யாவத் ।
நநு மஹத்த்வஸித்³த்⁴யர்த²மித³ம் கர்மா(அ)(அ)ரப்⁴யதே மஹத்ப்ராப்நுயாமிதி ஶ்ருதேஸ்தத்கத²மந்யதா² ப்ரதிஜ்ஞாதமிதி ஶங்கதே —
மஹத்த்வேதி ।
பரிஹரதி —
மஹத்த்வே சேதி ।
உக்தே(அ)ர்தே² ஶ்ருத்யக்ஷராணி யோஜயதி —
தது³ச்யத இத்யாதி³நா ।
ஸ யோ வித்தார்தீ² காமயேத தஸ்யேத³ம் கர்மேதி ஶேஷ: ।
யஸ்ய கஸ்யசித்³வித்தார்தி²நஸ்தர்ஹீத³ம் கர்ம ஸ்யாதி³த்யாஶங்க்யா(அ)(அ)ஹ —
கர்மண்யதி⁴க்ருத இதி ।
தத்ர வித்தார்தி²நி பும்ஸீதி யாவத் । உபஸதோ³ நாமேஷ்டிவிஶேஷா: । ஜ்யோதிஷ்டோமே ப்ரவர்க்³யாஹஸ்த்விதி ஶேஷ: ।
கிம் புநஸ்தாஸு வ்ரதமிதி ததா³ஹ —
தத்ர சேதி ।
யது³பஸத்ஸு ஸ்தநோபசயாபசயாப்⁴யாம் பயோப⁴க்ஷணம் யஜமாநஸ்ய ப்ரஸித்³த⁴ம் தத³த்ரோபஸத்³வ்ரதமித்யர்த²: ।
ப்ரக்ருதே(அ)பி தர்ஹி ஸ்தநோபசயாபசயாப்⁴யாம் பயோப⁴க்ஷணம் ஸ்யாதி³தி சேந்நேத்யாஹ —
அத்ர சேதி ।
மந்தா²க்²யம் கர்ம ஸப்தம்யர்த²: । தத்கர்மேத்யுபஸத்³ரூபகர்மோக்தி: ।
கேவலமித்யஸ்யைவார்த²மாஹ —
இதி கர்தவ்யதாஶூந்யமிதி ।
ஸமாஸாந்தரமாஶ்ரித்ய ஶங்கதே —
நந்விதி ।
கர்மதா⁴ரயரூபம் ஸமாஸவாக்யம் ததி³த்யுக்தம் ।
மந்தா²க்²யஸ்ய கர்மண: ஸ்மார்தத்வாத³த்ர ஶ்ருத்யுக்தாநாமுபஸதா³முபஸம்க்³ரஹாபா⁴வாந்ந கர்மதா⁴ரய: ஸித்⁴யதீத்யுத்தரமாஹ —
உச்யத இதி ।
மந்த²கர்மண: ஸ்மார்தத்வமாக்ஷிபதி —
நந்விதி ।
பரிஸமூஹநபரிலேபநாக்³ந்யுபஸமாதா⁴நாதே³: ஸ்மார்தார்த²ஸ்யாத்ரோச்யமாநத்வாதி³யம் ஶ்ருதி: ஸ்ம்ருத்யநுவாதி³நீ யுக்தா । ததா² சைதத்கர்ம ப⁴வத்யேவ ஸ்மார்தமிதி பரிஹரதி —
ஸ்ம்ருதீதி ।
நநு ஶ்ருதேர்ந ஸ்ம்ருத்யநுவாதி³நீத்வம் வைபரீத்யாத³தோ ப⁴வதீத³ம் ஶ்ரௌதமித்யாஶங்க்யா(அ)(அ)ஹ —
ஶ்ரௌதத்வே ஹீதி ।
யதீ³த³ம் கர்ம ஶ்ரௌதம் ததா³ ஜ்யோதிஷ்டோமேநாஸ்ய ப்ரக்ருதிவிக்ருதிபா⁴வ: ஸ்யாத் । ஸமக்³ராங்க³ஸம்யுக்தா ப்ரக்ருதிர்விகலாங்க³ஸம்யுக்தா ச விக்ருதி: । ப்ரக்ருதிவிக்ருதிபா⁴வே ச விக்ருதிகர்மண: ப்ராக்ருதத⁴ர்மக்³ராஹித்வாது³பஸத³ ஏவ வ்ரதமிதி விக்³ருஹ்ய ஸர்வமிதிகர்தவ்யதாரூபம் ஶக்யம் க்³ரஹீதும் ந சாத்ர ஶ்ரௌதத்வமஸ்தி பரிலேபநாதி³ஸம்ப³ந்தா⁴த் । ந ச பூர்வபா⁴விந்யா: ஶ்ருதேருத்தரபா⁴விஸ்ம்ருத்யநுவாதி³த்வாஸித்³தி⁴ஸ்தஸ்யாஸ்த்ரைகால்யவிஷயத்வாப்⁴யுபக³மாதி³தி பா⁴வ: ।
மந்த²கர்மண: ஸ்மார்தத்வே லிங்க³மாஹ —
அத ஏவேதி ।
தத்ரைவ ஹேத்வந்தரமாஹ —
ஸர்வா சேதி ।
மந்த²க³தேதிகர்தவ்யதா(அ)த்ரா(அ)வ்ருதி³த்யுச்யதே । உபஸத³ ஏவ வ்ரதமிதி விக்³ரஹாஸம்ப⁴வாது³பஸத்ஸு வ்ரதமித்யஸ்மது³க்தம் ஸித்³த⁴முபஸம்ஹர்துமிதிஶப்³த³: । பயோவ்ரதீ ஸந்வக்ஷ்யமாணேந க்ரமேண ஜுஹோதீதி ஸம்ப³ந்த⁴: ।
தாம்ரமௌது³ம்ப³ரமிதி ஶங்காம் வாரயதி —
உது³ம்ப³ரவ்ருக்ஷமய இதி ।
தஸ்யைவேதி ப்ரக்ருதமாத்ரபராமர்ஶ: ।
ஔது³ம்ப³ரத்வே விகல்பமாஶங்க்யா(அ)(அ)ஹ —
ஆகார இதி ।
அத்ரேதி பாத்ரநிர்தே³ஶ: ।
அஸம்ப⁴வாத³ஶக்யத்வாச்ச ஸர்வௌஷத⁴ம் ஸமாஹ்ருத்யேத்யயுக்தமித்யாஶங்க்யா(அ)(அ)ஹ —
யதா²ஸம்ப⁴வமிதி ।
ஓஷதி⁴ஷு நியமம் த³ர்ஶயதி —
தத்ரேதி ।
பரிஸம்க்²யாம் வாரயதி —
அதி⁴கேதி ।
இதி ஸம்ப்⁴ருத்யாத்ரேதிஶப்³த³ஸ்ய ப்ரத³ர்ஶநார்த²த்வே ப²லிதம் வாக்யார்த²ம் கத²யதி —
அந்யத³பீதி ।
ஓஷதீ⁴நாம் ஸம்ப⁴ரணாநந்தரம் பரிஸமூஹநாதி³க்ரமே கிம் ப்ரமாணமித்யாஶங்க்யா(அ)(அ)ஹ —
க்ரம இதி ।
தத்ரேதி பரிஸமூஹநாத்³யுக்தி: ।
ஹோமாதா⁴ரத்வேந த்ரேதாக்³நிபரிக்³ரஹம் வாரயதி —
அக்³நிமிதி ।
ஆவஸத்²யே(அ)க்³நௌ ஹோம இதி ஶேஷ: ।
கத²மேதாவதா த்ரேதாக்³நிபரித்யாக³ஸ்தத்ரா(அ)(அ)ஹ —
ஏகவசநாதி³தி ।
கத²முபஸமாதா⁴நஶ்ரவணம் த்ரேதாக்³நிநிவாரகம் தத்ரா(அ)(அ)ஹ —
வித்³யமாநஸ்யேதி ।
ஆஹவநீயாதே³ஶ்சா(அ)(அ)தே⁴யத்வாந்ந ப்ராகே³வ ஸத்த்வமிதி பா⁴வ: । மத்⁴யே ஸ்வஸ்யாக்³நேஶ்சேதி ஶேஷ: । ஆவாபஸ்தா²நமாஹுதிவிஶேஷப்ரக்ஷேபப்ரதே³ஶ: । போ⁴ ஜாதவேத³ஸ்த்வத³தீ⁴நா யாவந்தோ தே³வா வக்ரமதய: ஸந்தோ மமார்தா²ந்ப்ரதிப³த்⁴நந்தி தேப்⁴யோ(அ)ஹமாஜ்யபா⁴க³ம் த்வய்யர்பயாமி தே ச தேந த்ருப்தா பூ⁴த்வா ஸர்வைரபி புருஷார்தை²ர்மாம் தர்பயந்து । அஹம் ச த்வத³தீ⁴நோ(அ)ர்பித இத்யாத்³யமந்த்ரஸ்யார்த²: । ஜாதம் ஜாதம் வேத்தீதி வா ஜாதே ஜாதே வித்³யத இதி வா ஜாதவேதா³: । யா தே³வதா குடிலமதிர்பூ⁴த்வா ஸர்வஸ்யைவாஹமேவ தா⁴ரயந்தீதி மத்வா த்வாமாஶ்ரித்ய வர்ததே தாம் ஸர்வஸாத⁴நீம் தே³வதாமஹம் க்⁴ருதஸ்ய தா⁴ரயா யஜே ஸ்வாஹேதி பூர்வவதே³வ த்³விதீயமந்த்ரார்த²: ॥1॥