ప్రాణోపాసకస్య విత్తార్థినో మన్థాఖ్యం కర్మోక్త్వా బ్రాహ్మణాన్తరముత్థాపయతి —
యాదృగితి ।
ఉక్తగుణః స కథం స్యాదిత్యపేక్షాయామితి శేషః । తచ్ఛబ్దో యథోక్తపుత్రవిషయః ।
యదస్మిన్బ్రాహ్మణే పుత్రమన్థాఖ్యం కర్మ వక్ష్యతే తద్భవతి సర్వాధికారవిషయమిత్యాశఙ్క్యాఽఽహ —
ప్రాణేతి ।
పుత్రమన్థస్య కాలనియామాభావమాశఙ్క్యాఽఽహ —
యదేతి ।
కిమత్ర గమకమిత్యాశఙ్క్య రేతఃస్తుతిరిత్యాహ —
ఇత్యేతదితి ।
పృథివ్యాః సర్వభూతసారత్వే మధుబ్రాహ్మణం ప్రమాణయతి —
సర్వభూతానామితి ।
తత్ర గార్గిబ్రాహ్మణం ప్రమాణమిత్యాహ —
అప్సు హీతి ।
అపాం పృథివ్యాశ్చ రసత్వం కారణత్వాద్యుక్తమోషధ్యాదీనాం కథమిత్యాశఙ్క్యాఽఽహ —
కార్యత్వాదితి ।
రేతోఽసృజతేతి ప్రస్తుత్య రేతసస్తత్ర తేజఃశబ్దప్రయోగాత్తస్య పురుషే సారత్వమైతరేయకే వివక్షితమిత్యాహ —
సర్వేభ్య ఇతి ॥౧॥
శ్రేష్ఠమనుశ్రయన్తేఽనుసరన్తీతి శ్రేష్ఠానుశ్రయణాః ।