ஏதத்³த⁴ ஸ்ம வை தத் வித்³வாந் உத்³தா³லக ஆருணி: ஆஹ அதோ⁴பஹாஸாக்²யம் மைது²நகர்ம வாஜபேயஸம்பந்நம் வித்³வாநித்யர்த²: । ததா² நாகோ மௌத்³க³ல்ய: குமாரஹாரிதஶ்ச । கிம் த ஆஹுரித்யுச்யதே — ப³ஹவோ மர்யா மரணத⁴ர்மிணோ மநுஷ்யா:, ப்³ராஹ்மணா அயநம் யேஷாம் தே ப்³ராஹ்மணாயநா: ப்³ரஹ்மப³ந்த⁴வ: ஜாதிமாத்ரோபஜீவிந இத்யேதத் , நிரிந்த்³ரியா: விஶ்லிஷ்டேந்த்³ரியா:, விஸுக்ருத: விக³தஸுக்ருதகர்மாண:, அவித்³வாம்ஸ: மைது²நகர்மாஸக்தா இத்யர்த²: ; தே கிம் ? அஸ்மாத் லோகாத் ப்ரயந்தி பரலோகாத் பரிப்⁴ரஷ்டா இதி । மைது²நகர்மணோ(அ)த்யந்தபாபஹேதுத்வம் த³ர்ஶயதி — ய இத³மவித்³வாம்ஸோ(அ)தோ⁴பஹாஸம் சரந்தீதி । ஶ்ரீமந்த²ம் க்ருத்வா பத்ந்யா ருதுகாலம் ப்³ரஹ்மசர்யேண ப்ரதீக்ஷதே ; யதி³ இத³ம் ரேத: ஸ்கந்த³தி, ப³ஹு வா அல்பம் வா, ஸுப்தஸ்ய வா ஜாக்³ரதோ வா, ராக³ப்ராப³ல்யாத் ॥4॥