अद्वैतशारदा | दक्षिणाम्नाय श्रीशारदापीठम्, शृङ्गेरी

தத³பி⁴ம்ருஶேத³நு வா மந்த்ரயேத யந்மே(அ)த்³ய ரேத: ப்ருதி²வீமஸ்காந்த்ஸீத்³யதோ³ஷதீ⁴ரப்யஸரத்³யத³ப: । இத³மஹம் தத்³ரேத ஆத³தே³ புநர்மாமைத்விந்த்³ரியம் புநஸ்தேஜ: புநர்ப⁴க³: । புநரக்³நிர்தி⁴ஷ்ண்யா யதா²ஸ்தா²நம் கல்பந்தாமித்யநாமிகாங்கு³ஷ்டா²ப்⁴யாமாதா³யாந்தரேண ஸ்தநௌ வா ப்⁴ருவௌ வா நிம்ருஜ்யாத் ॥ 5 ॥

தத³பி⁴ம்ருஶேத் , அநுமந்த்ரயேத வா அநுஜபேதி³த்யர்த²: । யதா³ அபி⁴ம்ருஶதி, ததா³ அநாமிகாங்கு³ஷ்டா²ப்⁴யாம் தத்³ரேத ஆத³த்தே ‘ஆத³தே³’ இத்யேவமந்தேந மந்த்ரேண ; ‘புநர்மாம்’ இத்யேதேந நிம்ருஜ்யாத் அந்தரேண மத்⁴யே ப்⁴ருவௌ ப்⁴ருவோர்வா, ஸ்தநௌ ஸ்தநயோர்வா ॥

புநரிதி ;

மே மமாத்³யாப்ராப்தகாலே யத்³ரேத: ப்ருதி²வீம் ப்ரத்யஸ்காந்த்ஸீத்³ராகா³திரேகேண ஸ்கந்நமாஸீதோ³ஷதீ⁴: ப்ரத்யப்யஸரத³க³மத்³யச்சாப: ஸ்வயோநிம் ப்ரதி க³தமபூ⁴த்ததி³த³ம் ரேத: ஸம்ப்ரத்யாத³தே³(அ)ஹமித்யாதா³நமந்த்ரார்த²: । கேநாபி⁴ப்ராயேண ததா³தா³நம் ததா³ஹ —

புநரிதி ।

தத்புநா ரேதோரூபேண ப³ஹிர்நிர்க³தமிந்த்³ரியம் மாம் ப்ரத்யேது ஸமாக³ச்ச²து । தேஜஸ்த்வக்³க³தா காந்தி: । ப⁴க³: ஸௌபா⁴க்³யம் ஜ்ஞாநம் வா । தத³பி ஸர்வம் ரேதோநிர்க³மாத்ததா³த்மநா ப³ஹிர்நிர்க³தம் ஸந்மாம் ப்ரத்யாக³ச்ச²து । அக்³நிர்தி⁴ஷ்ண்யம் ஸ்தா²நம் யேஷாம் தே தே³வாஸ்தத்³ரேதோ யதா²ஸ்தா²நம் கல்பயந்த்விதி மார்ஜநமந்த்ரார்த²: ॥5॥