अद्वैतशारदा | दक्षिणाम्नाय श्रीशारदापीठम्, शृङ्गेरी

ಸ ಯಾಮಿಚ್ಛೇತ್ಕಾಮಯೇತ ಮೇತಿ ತಸ್ಯಾಮರ್ಥಂ ನಿಷ್ಠಾಯ ಮುಖೇನ ಮುಖಂ ಸಂಧಾಯೋಪಸ್ಥಮಸ್ಯಾ ಅಭಿಮೃಶ್ಯ ಜಪೇದಂಗಾದಂಗಾತ್ಸಂಭವಸಿ ಹೃದಯಾದಧಿಜಾಯಸೇ । ಸ ತ್ವಮಂಗಕಷಾಯೋಽಸಿ ದಿಗ್ಧವಿದ್ಧಮಿವ ಮಾದಯೇಮಾಮಮೂಂ ಮಯೀತಿ ॥ ೯ ॥

ಸ ಯಾಂ ಸ್ವಭಾರ್ಯಾಮಿಚ್ಛೇತ್ — ಇಯಂ ಮಾಂ ಕಾಮಯೇತೇತಿ, ತಸ್ಯಾಮ್ ಅರ್ಥಂ ಪ್ರಜನನೇಂದ್ರಿಯಮ್ ನಿಷ್ಠಾಯ ನಿಕ್ಷಿಪ್ಯ, ಮುಖೇನ ಮುಖಂ ಸಂಧಾಯ, ಉಪಸ್ಥಮಸ್ಯಾ ಅಭಿಮೃಶ್ಯ, ಜಪೇದಿಮಂ ಮಂತ್ರಮ್ — ‘ಅಂಗಾದಂಗಾತ್’ ಇತಿ ॥

ಸ ಯಾಮಿತ್ಯಾದಿನಾ ;

ಭರ್ತುರ್ಭಾರ್ಯಾವಶೀಕರಣಪ್ರಕಾರಮುಕ್ತ್ವಾ ಪುರುಷದ್ವೇಷಿಣ್ಯಾಸ್ತಸ್ಯಾಸ್ತದ್ವಿಷಯೇ ಪ್ರೀತಿಸಂಪಾದನಪ್ರಕ್ರಿಯಾಂ ದರ್ಶಯತಿ —

ಸ ಯಾಮಿತ್ಯಾದಿನಾ ।

ಹೇ ರೇತಸ್ತ್ವಂ ಮದೀಯಾತ್ಸರ್ವಸ್ಮಾದಂಗಾತ್ಸಮುತ್ಪದ್ಯಸೇ ವಿಶೇಷತಶ್ಚ ಹೃದಯಾದನ್ನರಸದ್ವಾರೇಣ ಜಾಯಸೇ ಸ ತ್ವಮಂಗಾನಾಂ ಕಷಾಯೋ ರಸಃ ಸನ್ವಿಷಲಿಪ್ತಶರವಿದ್ಧಾಂ ಮೃಗೀಮಿವಾಮೂಂ ಮದೀಯಾಂ ಸ್ತ್ರಿಯಂ ಮೇ ಮಾದಯ ಮದ್ವಶಾಂ ಕುರ್ವಿತ್ಯರ್ಥಃ ॥೯॥