अद्वैतशारदा | दक्षिणाम्नाय श्रीशारदापीठम्, शृङ्गेरी

అథ యామిచ్ఛేద్దధీతేతి తస్యామర్థం నిష్ఠాయ ముఖేన ముఖం సన్ధాయాపాన్యాభిప్రాణ్యాదిన్ద్రియేణ తే రేతసా రేత ఆదధామీతి గర్భిణ్యేవ భవతి ॥ ౧౧ ॥

అథ యామిచ్ఛేత్ — దధీత గర్భమితి, తస్యామర్థమిత్యాది పూర్వవత్ । పూర్వవిపర్యయేణ అపాన్య అభిప్రాణ్యాత్ ‘ఇన్ద్రియేణ తే రేతసా రేత ఆదధామి’ ఇతి ; గర్భిణ్యేవ భవతి ॥

అథ యామిత్యాదినా ;

భర్తురేవాభిప్రాయాన్తరానుసారిణం విధిమాహ —

అథ యామిత్యాదినా ।

స్వకీయపఞ్చమేన్ద్రియేణ తదీయపఞ్చమేన్ద్రియాద్రేతః స్వీకృత్య తత్పుత్రోత్పత్తిసమర్థం కృతమితి మత్వా స్వకీయరేతసా సహ తస్మిన్నిక్షిపేత్తదిదమపాననం ప్రాణనం చ తత్పూర్వకం రేతఃసేచనమ్ ॥౧౧॥