अद्वैतशारदा | दक्षिणाम्नाय श्रीशारदापीठम्, शृङ्गेरी

ಅಥ ಯ ಇಚ್ಛೇತ್ಪುತ್ರೋ ಮೇ ಪಂಡಿತೋ ವಿಗೀತಃ ಸಮಿತಿಂಗಮಃ ಶುಶ್ರೂಷಿತಾಂ ವಾಚಂ ಭಾಷಿತಾ ಜಾಯೇತ ಸರ್ವಾನ್ವೇದಾನನುಬ್ರುವೀತ ಸರ್ವಮಾಯುರಿಯಾದಿತಿ ಮಾಂಸೌದನಂ ಪಾಚಯಿತ್ವಾ ಸರ್ಪಿಷ್ಮಂತಮಶ್ನೀಯಾತಾಮೀಶ್ವರೌ ಜನಯಿತವಾ ಔಕ್ಷೇಣ ವಾರ್ಷಭೇಣ ವಾ ॥ ೧೮ ॥

ವಿವಿಧಂ ಗೀತೋ ವಿಗೀತಃ ಪ್ರಖ್ಯಾತ ಇತ್ಯರ್ಥಃ ; ಸಮಿತಿಂಗಮಃ ಸಭಾಂ ಗಚ್ಛತೀತಿ ಪ್ರಗಲ್ಭ ಇತ್ಯರ್ಥಃ, ಪಾಂಡಿತ್ಯಸ್ಯ ಪೃಥಗ್ಗ್ರಹಣಾತ್ ; ಶುಶ್ರೂಷಿತಾಂ ಶ್ರೋತುಮಿಷ್ಟಾಂ ರಮಣೀಯಾಂ ವಾಚಂ ಭಾಷಿತಾ ಸಂಸ್ಕೃತಾಯಾ ಅರ್ಥವತ್ಯಾ ವಾಚೋ ಭಾಷಿತೇತ್ಯರ್ಥಃ । ಮಾಂಸಮಿಶ್ರಮೋದನಂ ಮಾಂಸೌದನಮ್ । ತನ್ಮಾಂಸನಿಯಮಾರ್ಥಮಾಹ — ಔಕ್ಷೇಣ ವಾ ಮಾಂಸೇನ ; ಉಕ್ಷಾ ಸೇಚನಸಮರ್ಥಃ ಪುಂಗವಃ, ತದೀಯಂ ಮಾಂಸಮ್ ; ಋಷಭಃ ತತೋಽಪ್ಯಧಿಕವಯಾಃ, ತದೀಯಮ್ ಆರ್ಷಭಂ ಮಾಂಸಮ್ ॥

ಪಾಂಡಿತ್ಯಸ್ಯೇತಿ ;

ಸಮಿತಿರ್ವಿದ್ವತ್ಸಭಾ ತಾಂ ಗಚ್ಛತೀತಿ ವಿದ್ವಾನೇವೋಚ್ಯತಾಮಿತಿ ಚೇನ್ನೇತ್ಯಾಹ —

ಪಾಂಡಿತ್ಯಸ್ಯೇತಿ ।

ಸರ್ವಶಬ್ದೋ ವೇದಚತುಷ್ಟಯವಿಷಯಃ । ಔಕ್ಷೇಣೇತ್ಯಾದಿತೃತೀಯಾ ಸಹಾರ್ಥೇ । ದೇಶವಿಶೇಷಾಪೇಕ್ಷಯಾ ಕಾಲವಿಶೇಷಾಪೇಕ್ಷಯಾ ವಾ ಮಾಂಸನಿಯಮಃ । ಅಥಶಬ್ದಸ್ತು ಪೂರ್ವವಾಕ್ಯೇಷು ಯಥಾರುಚಿ ವಿಕಲ್ಪಾರ್ಥಃ ॥೧೮॥