సమిఙ్గయతి స్వరూపోపఘాతమకృత్వైవ చాలయతీత్యేతత్ । ఎవా త ఎవమేవ తవ స్వరూపోపఘాతమకుర్వన్నేజతు గర్భశ్చలతు । జరాయుణా గర్భవేష్టనమాంసఖణ్డేన సహావైతు నిర్గచ్ఛతు । ఇన్ద్రస్య ప్రాణస్యాయం వ్రజో మార్గః సర్వకాలే గర్భాధానకాలే వా కృతః । సార్గల ఇత్యస్య వ్యాఖ్యా సపరిశ్రయ ఇతి । పరివేష్టనేన జరాయుణా సహిత ఇత్యర్థః । తం మార్గం ప్రాప్య త్వమిన్ద్ర గర్భేణ సహ నిర్జహి నిర్గచ్ఛ । గర్భనిఃసరణానన్తరం యా మాంసపేశీ నిర్గచ్ఛతి సావరా తాం చ నిర్గమయేదిత్యర్థః ॥౨౩॥