ఇలా స్తుత్యా భోగ్యాఽసి । మిత్రావరుణాభ్యాం సంభూతో మైత్రావరుణో వసిష్ఠస్తస్య భార్యా మైత్రావరుణీ సా చారున్ధతీ తద్వత్త్వం తిష్ఠసీతి భార్యా సంబోధయతి —
మైత్రావరుణీతి ।
వీరే పురుషే మయి నిమిత్తభూతే భవతీ వీరం పుత్రమజీజనత్ । సా త్వం వీరవతీ జీవబహుపుత్రా భవ । యా భవతీ వీరవతః పుత్రసంపన్నానస్మానకరత్కృతవతీతి మన్త్రార్థః । పితరమతీత్య వర్తత ఇత్యతిపితా । అహో మహానేవ విస్మయో యత్పితరం పితామహం చ సర్వమేవ వంశమతీత్య సర్వస్మాదధికస్తం జాతోఽసీత్యర్థః ।
న కేవలం పుత్రస్యైవేయం స్తుతిరితి తు యథోక్తపుత్రసంపన్నస్య పితురపీత్యాహ —
యస్యేతి ॥౨౮॥