एवं गते किमधुना कर्तव्यमित्याशङ्क्याऽऽह –

अद्यापीति ।

चाक्रायणानुमतिं श्रुत्वा किमिदमिति व्याकुलितेषु प्रस्तोतृप्रभृतीषु ब्रूते –

किन्त्विति ।

उभयानुमत्यपेक्षयाऽनन्तर्यम् ।

ममालाभेनामीषां वृतत्वस्य निवृत्त्यवस्थायामित्याह –

तर्हीति ।

अनुज्ञाताः सन्तः प्रस्तोत्रादयः स्तुतिं कुर्वतामित्याह –

स्तुवतामिति ।

अस्त्वेवं त्वदर्थं पुनर्मया किं विधेयमित्याशङ्क्याऽऽह –

त्वया त्विति ॥ ३ ॥