ததே³வ வசநமுதா³ஹரதி -
பஶ்யேதி ।
ஏதாமஸ்மத³ப்⁴யாஶே மஹாபுருஷாநபி ப⁴வத்ப்ரமுகா²நபரிக³ணய்ய ப⁴யலேஶஶூந்யாமவஸ்தி²தாம் சமூமிமாம் ஸேநாம் பாண்டு³புத்ரைர்யுதி⁴ஷ்டி²ராதி³பி⁴ராநீதாம் மஹதீமநேகாக்ஷௌஹிணீஸஹிதாமக்ஷோப்⁴யாம், பஶ்யேத்யாசார்யம் து³ர்யோத⁴நோ நியுங்க்தே । நியோக³த்³வாரா ச தஸ்மிந் பரேஷாமவஜ்ஞாம் விஜ்ஞாபயந் க்ரோதா⁴திரேகமுத்பாத³யிதுமுத்ஸஹதே ।
பரகீயஸேநாயா வைஶிஷ்ட்யாபி⁴தா⁴நத்³வாரா பரபக்ஷே(அ)பி த்வதீ³யமேவ ப³லமிதி ஸூசயந் ஆசார்யஸ்ய தந்நிரஸநம் ஸுகரமிதி மந்வாந: ஸந்நாஹ -
வ்யூடா⁴மிதி ।
ராஜ்ஞோ த்³ருபத³ஸ்ய புத்ர: தவ ச ஶிஷ்யோ த்⁴ருஷ்டத்³யும்நோ லோகே க்²யாதிமுபக³த:, ஸ்வயம் ச ஶஸ்த்ராஸ்த்ரவித்³யாஸம்பந்நோ மஹாமஹிமா தேந வ்யூஹமாபாத்³யாதி⁴ஷ்டி²தாமிமாம் சமூம் கிமிதி ந ப்ரதிபத்³யஸே கிமிதி வா ம்ருஷ்யஸீத்யர்த²: ॥ 3 ॥