ద్రోణాదిపరిగణనస్య పరిశిష్టపరిసఙ్ఖ్యార్థత్వం వ్యావర్తయతి -

అన్యే చేతి ।

సర్వేఽపి భవన్తమారభ్య మదీయపృతనాయాం ప్రవిష్టాః స్వజీవితాదపి మహ్యం స్పృహయన్తీత్యాహ -

మదర్థ ఇతి ।

యత్తు తేషాం శూరత్వముక్తం తదిదానీం విశదయతి -

నానేతి ।

నానావిధాని అనేకప్రకారాణి శస్త్రాణి - ఆయుధాని ప్రహరణాని - ప్రహరణసాధనాని యేషాం తే తథా ।

బహువిధాయుధసమ్పత్తావపి తత్ప్రయోగే నైపుణ్యాభావే తద్వైఫల్యమితి చేత్ , నేత్యాహ -

సర్వ ఇతి

॥ ౯ ॥