శ్రీమద్భగవద్గీతాభాష్యమ్
ఆనన్దగిరిటీకా (గీతాభాష్య)
 
హృషీకేశం తదా వాక్యమిదమాహ మహీపతే
అర్జున ఉవాచ
సేనయోరుభయోర్మధ్యే రథం స్థాపయ మేఽచ్యుత ॥ ౨౧ ॥
హృషీకేశం తదా వాక్యమిదమాహ మహీపతే
అర్జున ఉవాచ
సేనయోరుభయోర్మధ్యే రథం స్థాపయ మేఽచ్యుత ॥ ౨౧ ॥

తదేవ గాణ్డీవధన్వనో వాక్యమనుక్రామతి -

సేనయోరితి ।

ఉభయోరపి సేనయోః సంనిహితయోర్మధ్యే మదీయం రథం స్థాపయేత్యర్జునేన సారథ్యే సర్వేశ్వరో నియుజ్యతే ।  కిం హి భక్తానామశక్యం యద్భగవానపి తన్నియోగమనుతిష్ఠతి ? యుక్తం హి భగవతో భక్తపారవశ్యమ్ ।  అచ్యుతేతి సమ్బోధనతయా భగవతః స్వరూపం న కదాచిదపి ప్రచ్యుతిం ప్రాప్నోతీత్యుచ్యతే ॥ ౨౧ ॥