ప్రతియోగినామభావే కథం తవ యుద్ధౌత్సుక్యం ఫలవద్ భవేదితి తత్రాహ –
యోత్స్యమానానితి ।
యే కేచిదేతే రాజానో నానాదేశేభ్యోఽత్ర కురుక్షేత్రే సమవేతాస్తానహం యోత్స్యమానాన్ - పరిగృహీతప్రహరణోపాయాన్ అతితరాం సఙ్గ్రామసముత్సుకానుపలభే । తేన ప్రతియోగినాం బాహుల్యమిత్యర్థః ।
తేషామస్మాభిః సహ పూర్వవైరాభావే కథం ప్రతియోగిత్వం ప్రకల్పతే ? తత్రాహ -
ధార్తరాష్ట్రస్యేతి ।
ధృతరాష్ట్రపుత్రస్య దుర్యోధనస్య దుర్బుద్ధేః - స్వరక్షణోపాయమప్రతిపద్యమానస్య యుద్ధాయ సంరమ్భం కుర్వతో యుద్ధే - యుద్ధభూమౌ స్థిత్వా ప్రియం కర్తుమిచ్ఛవో రాజానః సమాగతా దృశ్యన్తే, తేన తేషామౌపాధికమస్మత్ప్రతియోగిత్వముపపన్నమిత్యర్థః ॥ ౨౩ ॥