ಶ್ರೀಮದ್ಭಗವದ್ಗೀತಾಭಾಷ್ಯಮ್
ಪ್ರಥಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ತಸ್ಮಾನ್ನಾರ್ಹಾ ವಯಂ ಹಂತುಂ ಧಾರ್ತರಾಷ್ಟ್ರಾನ್ಸಬಾಂಧವಾನ್ ।
ಸ್ವಜನಂ ಹಿ ಕಥಂ ಹತ್ವಾ ಸುಖಿನಃ ಸ್ಯಾಮ ಮಾಧವ ॥ ೩೭ ॥
ತಸ್ಮಾನ್ನಾರ್ಹಾ ವಯಂ ಹಂತುಂ ಧಾರ್ತರಾಷ್ಟ್ರಾನ್ಸಬಾಂಧವಾನ್ ।
ಸ್ವಜನಂ ಹಿ ಕಥಂ ಹತ್ವಾ ಸುಖಿನಃ ಸ್ಯಾಮ ಮಾಧವ ॥ ೩೭ ॥

ಫಲಾಭಾವಾದನರ್ಥಸಂಭವಾಚ್ಚ ಪರಹಿಂಸಾ ನ ಕರ್ತವ್ಯೇತ್ಯುಪಸಂಹರತಿ -

ತಸ್ಮಾದಿತಿ ।

ಕಿಂಚ ರಾಜ್ಯಸುಖಮುದ್ದಿಶ್ಯ ಯುದ್ಧಮುಪಕ್ರಮ್ಯತೇ, ನ ಚ ಸ್ವಜನಪರಿಕ್ಷಯೇ ಸುಖಮುಪಪದ್ಯತೇ, ತೇನ ನ ಕರ್ತವ್ಯಂ ಯುದ್ಧಮಿತ್ಯಾಹ -

ಸ್ವಜನಂ ಹೀತಿ

॥ ೩೭ ॥