ಯಥೋಕ್ತಮರ್ಜುನಸ್ಯ ವೃತ್ತಾಂತಂ ಸಂಜಯೋ ಧೃತರಾಷ್ಟ್ರಂ ರಾಜಾನಂ ಪ್ರತಿ ಪ್ರವೇದಿತವಾನ್ ।  ತಮೇವ ಪ್ರವೇದನಪ್ರಕಾರಂ ದರ್ಶಯತಿ -

ಏವಮಿತಿ ।

ಪ್ರದರ್ಶಿತೇನ ಪ್ರಕಾರೇಣ ಭಗವಂತಂ ಪ್ರತಿ ವಿಜ್ಞಾಪನಂ ಕೃತ್ವಾ ಶೋಕಮೋಹಾಭ್ಯಾಂ ಪರಿಭೂತಮಾನಸಃ ಸನ್ ಅರ್ಜುನಃ ಸಂಖ್ಯೇ - ಯುದ್ಧಮಧ್ಯೇ ಶರೇಣ ಸಹಿತಂ ಗಾಂಡೀವಂ ತ್ಯಕ್ತ್ವಾ ‘ನ ಯೋತ್ಸ್ಯೇಽಹಮ್’ (ಭ. ಭ. ಗೀ. ೨-೯) ಇತಿ ಬ್ರುವನ್ , ಮಧ್ಯೇ ರಥಸ್ಯ, ಸಂನ್ಯಾಸಮೇವ ಶ್ರೇಯಸ್ಕರಂ ಮತ್ವೋಪವಿಷ್ಟವಾನಿತ್ಯರ್ಥಃ ॥ ೪೭ ॥

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯ ಶ್ರೀಮಚ್ಛುದ್ಧಾನಂದಪೂಜ್ಯಪಾದಶಿಷ್ಯಾನಂದಜ್ಞಾನವಿರಚಿತೇ ಶ್ರೀಮದ್ಭಗವದ್ಗೀತಾಶಾಂಕರಭಾಷ್ಯವ್ಯಾಖ್ಯಾನೇ ಪ್ರಥಮೋಽಧ್ಯಾಯಃ ॥ ೧ ॥