యథోక్తమర్జునస్య వృత్తాన్తం సఞ్జయో ధృతరాష్ట్రం రాజానం ప్రతి ప్రవేదితవాన్ ।  తమేవ ప్రవేదనప్రకారం దర్శయతి -

ఎవమితి ।

ప్రదర్శితేన ప్రకారేణ భగవన్తం ప్రతి విజ్ఞాపనం కృత్వా శోకమోహాభ్యాం పరిభూతమానసః సన్ అర్జునః సఙ్ఖ్యే - యుద్ధమధ్యే శరేణ సహితం గాణ్డీవం త్యక్త్వా ‘న యోత్స్యేఽహమ్’ (భ. భ. గీ. ౨-౯) ఇతి బ్రువన్ , మధ్యే రథస్య, సంన్యాసమేవ శ్రేయస్కరం మత్వోపవిష్టవానిత్యర్థః ॥ ౪౭ ॥

ఇతి శ్రీమత్పరమహంసపరివ్రాజకాచార్య శ్రీమచ్ఛుద్ధానన్దపూజ్యపాదశిష్యానన్దజ్ఞానవిరచితే శ్రీమద్భగవద్గీతాశాఙ్కరభాష్యవ్యాఖ్యానే ప్రథమోఽధ్యాయః ॥ ౧ ॥