పూర్వార్ధము్త్తరార్ధే హేతుత్వేన యోజయతి -
యస్మాదితి ।
నిత్యత్వాదీనామన్యోన్యం హేతుహేతుమద్భావం సూచయతి-
నిత్యత్వాదిత్యాదినా ।
న చ నిత్యత్వం పరమాణుషు వ్యభిచారాదసాధకం సర్వగతత్వస్యేతి వాచ్యమ్ । తేషామేవ అప్రామాణికత్వేన వ్యభిచారానవతారాత్ । న చ సర్వగతత్వేఽపి విక్రియాశక్తిమత్త్వమాత్మనోఽస్తీతి యుక్తమ్ , విభుత్వేనాభిమతే నభసి తదనుపలమ్భాత్ । న చ విక్రియాశక్తిమత్వే స్థైర్యమాస్థాతుం శక్యమ్ , తథావిధస్య మృదాదేరస్థిరత్వదర్శనాత్ , ఇత్యాశయేనాహ -
స్థిరత్వాదితి ।
స్వతో నిత్యత్వేఽపి కారణాన్నాశసమ్భవాదుత్పత్తిరపి సమ్భావితేతి కుతశ్చిరన్తనత్వమ్ ? ఇత్యాశఙ్క్యాహ -
న కారణాదితి ।