ಅರ್ಜುನಂ ಪ್ರತಿ ಉಪಾಲಂಭಂ ದರ್ಶಯಿತ್ವಾ ಪ್ರಕೃತಸ್ಯ ಆತ್ಮನೋ ದುರ್ವಿಜ್ಞೇಯತ್ವಾತ್ ತಂ ಪ್ರತಿ ಉಪಾಲಂಭೋ ನ ಸಂಭವತೀತಿ ಸನ್ವಾನಃ ಸನ್ ಆಹ -

ದುರ್ವಿಜ್ಞೇಯ ಇತಿ ।

ತಥಾ ಚ ಆತ್ಮಾಜ್ಞಾನನಿಮಿತ್ತವಿಪ್ರಲಂಭಸ್ಯ ಸಾಧಾರಣತ್ವಾತ್ ಅಸಾಧಾರಣೋಪಾಲಂಭಸ್ಯ ನಿರವಕಾಶತಾ, ಇತ್ಯಾಹ -

ಕಿಂ ತ್ವಾಮೇವೇತಿ ।

ಅಹಂಪ್ರತ್ಯಯವೇದ್ಯತ್ವಾದಾತ್ಮನೋ ದುರ್ವಿಜ್ಞೇಯತ್ವಮ್ ಅಸಿದ್ಧಮಿತಿ ಶಂಕತೇ -

ಕಥಮಿತಿ ।

ವಿಶಿಷ್ಟಸ್ಯ ಆತ್ಮನಃ ಅಹಂಪ್ರತ್ಯಯದೃಷ್ಟತ್ವೇಽಪಿ ಕೇವಲಸ್ಯ ತದಭಾವಾತ್ ಅಸ್ತಿ ದುರ್ವಿಜ್ಞೇಯತಾ ಇತಿ ಶ್ಲೋಕಮವತಾರಯತಿ -

ಆಹೇತಿ ।