అర్జునం ప్రతి ఉపాలమ్భం దర్శయిత్వా ప్రకృతస్య ఆత్మనో దుర్విజ్ఞేయత్వాత్ తం ప్రతి ఉపాలమ్భో న సమ్భవతీతి సన్వానః సన్ ఆహ -
దుర్విజ్ఞేయ ఇతి ।
తథా చ ఆత్మాజ్ఞాననిమిత్తవిప్రలమ్భస్య సాధారణత్వాత్ అసాధారణోపాలమ్భస్య నిరవకాశతా, ఇత్యాహ -
కిం త్వామేవేతి ।
అహంప్రత్యయవేద్యత్వాదాత్మనో దుర్విజ్ఞేయత్వమ్ అసిద్ధమితి శఙ్కతే -
కథమితి ।
విశిష్టస్య ఆత్మనః అహంప్రత్యయదృష్టత్వేఽపి కేవలస్య తదభావాత్ అస్తి దుర్విజ్ఞేయతా ఇతి శ్లోకమవతారయతి -
ఆహేతి ।