अद्वैतशारदा | दक्षिणाम्नाय श्रीशारदापीठम्, शृङ्गेरी

ದೇಹೀ ನಿತ್ಯಮವಧ್ಯೋಽಯಂ ದೇಹೇ ಸರ್ವಸ್ಯ ಭಾರತ ।
ತಸ್ಮಾತ್ಸರ್ವಾಣಿ ಭೂತಾನಿ ನ ತ್ವಂ ಶೋಚಿತುಮರ್ಹಸಿ ॥ ೩೦ ॥

ದೇಹೀ ಶರೀರೀ ನಿತ್ಯಂ ಸರ್ವದಾ ಸರ್ವಾವಸ್ಥಾಸು ಅವಧ್ಯಃ ನಿರವಯವತ್ವಾನ್ನಿತ್ಯತ್ವಾಚ್ಚ ತತ್ರ ಅವಧ್ಯೋಽಯಂ ದೇಹೇ ಶರೀರೇ ಸರ್ವಸ್ಯ ಸರ್ವಗತತ್ವಾತ್ಸ್ಥಾವರಾದಿಷು ಸ್ಥಿತೋಽಪಿ ಸರ್ವಸ್ಯ ಪ್ರಾಣಿಜಾತಸ್ಯ ದೇಹೇ ವಧ್ಯಮಾನೇಽಪಿ ಅಯಂ ದೇಹೀ ನ ವಧ್ಯಃ ಯಸ್ಮಾತ್ , ತಸ್ಮಾತ್ ಭೀಷ್ಮಾದೀನಿ ಸರ್ವಾಣಿ ಭೂತಾನಿ ಉದ್ದಿಶ್ಯ ನ ತ್ವಂ ಶೋಚಿತುಮರ್ಹಸಿ ॥ ೩೦ ॥

ಸರ್ವಸ್ಯೇತಿ ; ಯಸ್ಮಾತ್ ಇತಿ ; ತಸ್ಮಾದ್ಭೀಷ್ಮಾದೀನೀತಿ ;

ಹೇತುಭಾಗಂ ವಿಭಜತೇ -

ಸರ್ವಸ್ಯೇತಿ ।

ದೇಹೇ ವಧ್ಯಮಾನೇಽಪಿ ದೇಹಿನೋ ವಧ್ಯತ್ವಾಭಾವೇ ಫಲಿತಮಾಹ -

ಯಸ್ಮಾತ್ ಇತಿ ।

ಫಲಿತಪ್ರದರ್ಶನಪರಂ ಶ್ಲೋಕಾರ್ಧಂ ವ್ಯಾಚಷ್ಟೇ-

ತಸ್ಮಾದ್ಭೀಷ್ಮಾದೀನೀತಿ

॥ ೩೦ ॥