ಶ್ರೀಮದ್ಭಗವದ್ಗೀತಾಭಾಷ್ಯಮ್
ದ್ವಿತೀಯೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಇಹ ಪರಮಾರ್ಥತತ್ತ್ವಾಪೇಕ್ಷಾಯಾಂ ಶೋಕೋ ಮೋಹೋ ವಾ ನ ಸಂಭವತೀತ್ಯುಕ್ತಮ್ । ನ ಕೇವಲಂ ಪರಮಾರ್ಥತತ್ತ್ವಾಪೇಕ್ಷಾಯಾಮೇವ । ಕಿಂ ತು —
ಇಹ ಪರಮಾರ್ಥತತ್ತ್ವಾಪೇಕ್ಷಾಯಾಂ ಶೋಕೋ ಮೋಹೋ ವಾ ನ ಸಂಭವತೀತ್ಯುಕ್ತಮ್ । ನ ಕೇವಲಂ ಪರಮಾರ್ಥತತ್ತ್ವಾಪೇಕ್ಷಾಯಾಮೇವ । ಕಿಂ ತು —

ಶ್ಲೋಕಾಂತರಮವತಾರಯನ್ ವೃತ್ತಂ ಕೀರ್ತಯತಿ -

ಇಹೇತಿ ।

ಪೂರ್ವಶ್ಲೋಕಃ ಸಪ್ತಮ್ಯರ್ಥಃ । ಯತ್ ಪಾರಮಾರ್ಥಿಕಂ ತತ್ತ್ವಂ ತದಪೇಕ್ಷಾಯಾಮೇವ ಕೇವಲಂ ಶೋಕಮೋಹಯೋರಸಂಭವೋ ನ ಭವತಿ, ಕಿಂತು ‘ಸ್ವಧರ್ಮಮಪಿ ಚಾವೇಕ್ಷ್ಯ’ (ಭ. ಗೀ. ೨-೩೧) ಇತಿ ಸಂಬಂಧಃ ಸ್ವಕೀಯಂ ಕ್ಷಾತ್ರಧರ್ಮಮನುಸಂಧಾಯ ತತಶ್ಚಲನಂ ಪರಿಹರ್ತವ್ಯಮಿತ್ಯರ್ಥಃ ।