अद्वैतशारदा | दक्षिणाम्नाय श्रीशारदापीठम्, शृङ्गेरी

ಭಯಾದ್ರಣಾದುಪರತಂ ಮಂಸ್ಯಂತೇ ತ್ವಾಂ ಮಹಾರಥಾಃ ।
ಯೇಷಾಂ ಚ ತ್ವಂ ಬಹುಮತೋ ಭೂತ್ವಾ ಯಾಸ್ಯಸಿ ಲಾಘವಮ್ ॥ ೩೫ ॥

ಭಯಾತ್ ಕರ್ಣಾದಿಭ್ಯಃ ರಣಾತ್ ಯುದ್ಧಾತ್ ಉಪರತಂ ನಿವೃತ್ತಂ ಮಂಸ್ಯಂತೇ ಚಿಂತಯಿಷ್ಯಂತಿ ನ ಕೃಪಯೇತಿ ತ್ವಾಂ ಮಹಾರಥಾಃ ದುರ್ಯೋಧನಪ್ರಭೃತಯಃ । ಯೇಷಾಂ ಚ ತ್ವಂ ದುರ್ಯೋಧನಾದೀನಾಂ ಬಹುಮತೋ ಬಹುಭಿಃ ಗುಣೈಃ ಯುಕ್ತಃ ಇತ್ಯೇವಂ ಮತಃ ಬಹುಮತಃ ಭೂತ್ವಾ ಪುನಃ ಯಾಸ್ಯಸಿ ಲಾಘವಂ ಲಘುಭಾವಮ್ ॥ ೩೫ ॥

ಭಯಾದಿತಿ ; ಯೇಷಾಂ ಚೇತಿ ;

ಪ್ರಾಣಿಷು ಕೃಪಯಾ ನಾಹಂ ಯುದ್ಧಂ ಕರಿಷ್ಯಾಮೀತ್ಯಾಶಂಕ್ಯಾಹ -

ಭಯಾದಿತಿ ।

ಮಹಾರಥಾನೇವ ವಿಶಿನಷ್ಟಿ -

ಯೇಷಾಂ ಚೇತಿ ।

ದುರ್ಯೋಧನಾದಿಭಿಸ್ತವ ಉಪಹಾಸ್ಯತಾನಿರಸನಾಯ ಸಂಗ್ರಾಮೇ ಪ್ರವೃತ್ತಿರವಶ್ಯಂಭಾವಿನೀತ್ಯರ್ಥಃ ॥ ೩೫ ॥