अद्वैतशारदा | दक्षिणाम्नाय श्रीशारदापीठम्, शृङ्गेरी

భయాద్రణాదుపరతం మంస్యన్తే త్వాం మహారథాః ।
యేషాం చ త్వం బహుమతో భూత్వా యాస్యసి లాఘవమ్ ॥ ౩౫ ॥

భయాత్ కర్ణాదిభ్యః రణాత్ యుద్ధాత్ ఉపరతం నివృత్తం మంస్యన్తే చిన్తయిష్యన్తి న కృపయేతి త్వాం మహారథాః దుర్యోధనప్రభృతయః । యేషాం చ త్వం దుర్యోధనాదీనాం బహుమతో బహుభిః గుణైః యుక్తః ఇత్యేవం మతః బహుమతః భూత్వా పునః యాస్యసి లాఘవం లఘుభావమ్ ॥ ౩౫ ॥

భయాదితి ; యేషాం చేతి ;

ప్రాణిషు కృపయా నాహం యుద్ధం కరిష్యామీత్యాశఙ్క్యాహ -

భయాదితి ।

మహారథానేవ విశినష్టి -

యేషాం చేతి ।

దుర్యోధనాదిభిస్తవ ఉపహాస్యతానిరసనాయ సఙ్గ్రామే ప్రవృత్తిరవశ్యమ్భావినీత్యర్థః ॥ ౩౫ ॥