अद्वैतशारदा | दक्षिणाम्नाय श्रीशारदापीठम्, शृङ्गेरी

రాగద్వేషవియుక్తైస్తు విషయానిన్ద్రియైశ్చరన్ ।
ఆత్మవశ్యైర్విధేయాత్మా ప్రసాదమధిగచ్ఛతి ॥ ౬౪ ॥

రాగద్వేషవియుక్తైః రాగశ్చ ద్వేషశ్చ రాగద్వేషౌ, తత్పురఃసరా హి ఇన్ద్రియాణాం ప్రవృత్తిః స్వాభావికీ, తత్ర యో ముముక్షుః భవతి సః తాభ్యాం వియుక్తైః శ్రోత్రాదిభిః ఇన్ద్రియైః విషయాన్ అవర్జనీయాన్ చరన్ ఉపలభమానః ఆత్మవశ్యైః ఆత్మనః వశ్యాని వశీభూతాని ఇన్ద్రియాణి తైః ఆత్మవశ్యైః విధేయాత్మా ఇచ్ఛాతః విధేయః ఆత్మా అన్తఃకరణం యస్య సః అయం ప్రసాదమ్ అధిగచ్ఛతి । ప్రసాదః ప్రసన్నతా స్వాస్థ్యమ్ ॥ ౬౪ ॥

ఆత్మేతి ; విధేయాత్మేతి ;

ఇన్ద్రియాణాం విషయేషు ప్రవృతిశ్చేత్ , నియమానుపపత్త్యా వర్జనీయేష్వపి సా స్యాత్ , ఇత్యాశఙ్క్యాహ -

ఆత్మేతి ।

అన్తఃకరణాధీనత్వేఽపి ఇన్ద్రియాణాం తదనియమాత్ తేషామపి నియమానుపపత్తిః, ఇత్యాశఙ్క్యాహ -

విధేయాత్మేతి

॥ ౬౪ ॥