విషయాణాం స్మరణమపి చేదనర్థకారణమ్ , సుతరాం తర్హి భోగః, తేన జీవనార్థం భుఞ్జానో విషయాన్ అనర్థం కథం న ప్రతిపద్యతే ? ఇత్యాశఙ్క్య, వృత్తానువాదపూర్వకముత్తరశ్లోకతాత్పర్యమాహ -

సర్వానర్థస్యేతి ।

అనర్థమూలకథనానన్తర్యమథశబ్దార్థః ।

పరిహర్తవ్యే నిర్ణీతే తత్పరిహారోపాయజిజ్ఞాసాం దర్శయతి -

ఇదానీమితి ।

రాగద్వేషపూర్వికా ప్రవృత్తిః, ఇత్యత్ర అనుభవదర్శనార్థో హిశబ్దః । శాస్త్రీయప్రవృత్తివ్యాసేధార్థం స్వాభావికీ ఇత్యుక్తమ్ । తత్రేత్యధికృతాన్ అధికృత్య ప్రయోగః । అవర్జనీయాన్ అశనపానాదీన్ , దేహస్థితిహేతూనితి యావత్ ।