క్రోధాద్భవతి సంమోహః సంమోహాత్స్మృతివిభ్రమః ।
స్మృతిభ్రంశాద్బుద్ధినాశో బుద్ధినాశాత్ప్రణశ్యతి ॥ ౬౩ ॥
క్రోధాత్ భవతి సంమోహః అవివేకః కార్యాకార్యవిషయః । క్రుద్ధో హి సంమూఢః సన్ గురుమప్యాక్రోశతి । సంమోహాత్ స్మృతివిభ్రమః శాస్త్రాచార్యోపదేశాహితసంస్కారజనితాయాః స్మృతేః స్యాత్ విభ్రమో భ్రంశః స్మృత్యుత్పత్తినిమిత్తప్రాప్తౌ అనుత్పత్తిః । తతః స్మృతిభ్రంశాత్ బుద్ధినాశః బుద్ధేర్నాశః । కార్యాకార్యవిషయవివేకాయోగ్యతా అన్తఃకరణస్య బుద్ధేర్నాశ ఉచ్యతే । బుద్ధినాశాత్ ప్రణశ్యతి । తావదేవ హి పురుషః యావదన్తఃకరణం తదీయం కార్యాకార్యవిషయవివేకయోగ్యమ్ । తదయోగ్యత్వే నష్ట ఎవ పురుషో భవతి । అతః తస్యాన్తఃకరణస్య బుద్ధేర్నాశాత్ ప్రణశ్యతి పురుషార్థాయోగ్యో భవతీత్యర్థః ॥ ౬౩ ॥
క్రోధాద్భవతి సంమోహః సంమోహాత్స్మృతివిభ్రమః ।
స్మృతిభ్రంశాద్బుద్ధినాశో బుద్ధినాశాత్ప్రణశ్యతి ॥ ౬౩ ॥
క్రోధాత్ భవతి సంమోహః అవివేకః కార్యాకార్యవిషయః । క్రుద్ధో హి సంమూఢః సన్ గురుమప్యాక్రోశతి । సంమోహాత్ స్మృతివిభ్రమః శాస్త్రాచార్యోపదేశాహితసంస్కారజనితాయాః స్మృతేః స్యాత్ విభ్రమో భ్రంశః స్మృత్యుత్పత్తినిమిత్తప్రాప్తౌ అనుత్పత్తిః । తతః స్మృతిభ్రంశాత్ బుద్ధినాశః బుద్ధేర్నాశః । కార్యాకార్యవిషయవివేకాయోగ్యతా అన్తఃకరణస్య బుద్ధేర్నాశ ఉచ్యతే । బుద్ధినాశాత్ ప్రణశ్యతి । తావదేవ హి పురుషః యావదన్తఃకరణం తదీయం కార్యాకార్యవిషయవివేకయోగ్యమ్ । తదయోగ్యత్వే నష్ట ఎవ పురుషో భవతి । అతః తస్యాన్తఃకరణస్య బుద్ధేర్నాశాత్ ప్రణశ్యతి పురుషార్థాయోగ్యో భవతీత్యర్థః ॥ ౬౩ ॥