अद्वैतशारदा | दक्षिणाम्नाय श्रीशारदापीठम्, शृङ्गेरी

ప్రసాదే సర్వదుఃఖానాం హానిరస్యోపజాయతే ।
ప్రసన్నచేతసో హ్యాశు బుద్ధిః పర్యవతిష్ఠతే ॥ ౬౫ ॥

ప్రసాదే సర్వదుఃఖానామ్ ఆధ్యాత్మికాదీనాం హానిః వినాశః అస్య యతేః ఉపజాయతే । కిఞ్చ — ప్రసన్నచేతసః స్వస్థాన్తఃకరణస్య హి యస్మాత్ ఆశు శీఘ్రం బుద్ధిః పర్యవతిష్ఠతే ఆకాశమివ పరి సమన్తాత్ అవతిష్ఠతే, ఆత్మస్వరూపేణైవ నిశ్చలీభవతీత్యర్థః ॥

ప్రసన్నేతి ; కిఞ్చేతి ;

సర్వదుఃఖహాన్యా బుద్ధిస్వాస్థ్యేఽపి, ప్రకృతం ప్రజ్ఞాస్థైర్యం కథం సిద్ధమ్ ? ఇత్యాశఙ్క్యాహ -

ప్రసన్నేతి ।

బుద్ధిప్రసాదస్యైవ ఫలాన్తరమాహ -

కిఞ్చేతి ।

తస్మాత్ బుద్ధిప్రసాదార్థం ప్రయతితవ్యమితి శేషః ।