अद्वैतशारदा | दक्षिणाम्नाय श्रीशारदापीठम्, शृङ्गेरी

తస్మాద్యస్య మహాబాహో నిగృహీతాని సర్వశః ।
ఇన్ద్రియాణీన్ద్రియార్థేభ్యస్తస్య ప్రజ్ఞా ప్రతిష్ఠితా ॥ ౬౮ ॥

ఇన్ద్రియాణాం ప్రవృత్తౌ దోష ఉపపాదితో యస్మాత్ , తస్మాత్ యస్య యతేః హే మహాబాహో, నిగృహీతాని సర్వశః సర్వప్రకారైః మానసాదిభేదైః ఇన్ద్రియాణి ఇన్ద్రియార్థేభ్యః శబ్దాదిభ్యః తస్య ప్రజ్ఞా ప్రతిష్ఠితా ॥ ౬౮ ॥

ఇన్ద్రియాణామితి ;

తచ్ఛబ్దాపేక్షితార్థోక్తిద్వారా శ్లోకమవతారయతి -

ఇన్ద్రియాణామితి ।

అసమాహితేన మనసా యస్మాత్ అనువిధీయమానాని ఇన్ద్రియాణి ప్రసహ్య ప్రజ్ఞామపహరన్తి, తస్మాత్ ఇతి యోజనా ॥ ౬౮ ॥