ఆత్మవిదః స్థితప్రజ్ఞస్య సర్వకర్మపరిత్యాగేఽధికారః, తద్విపరీతస్య అజ్ఞస్య కర్మణి, ఇత్యేతస్మిన్నర్థే సమనన్తరశ్లోకమవతారయతి-
యోఽయమితి ।
అవిద్యానివృత్తౌ సర్వకర్మనివృత్తిశ్చేత్ , తన్నివృత్తిరేవ కథమ్ ? ఇత్యాశఙ్క్యాహ -
అవిద్యాయాశ్చేతి ।
స్ఫుటీకుర్వన్ బాహ్యాభ్యన్తరకరణానాం పరాక్ప్రత్యక్ప్రవృత్తివత్ తథావిధే దర్శనే చ మిథో విరుధ్యేతే, పరాగ్దర్శనస్య అనాద్యాత్మావరణావిద్యాకార్యత్వాత్ , ఆత్మదర్శనస్య చ తన్నివర్తకత్వాత్ , తతశ్చ ఆత్మదర్శనార్థమిన్ద్రియాణ్యర్థేభ్యో నిగృహ్ణీయాత్ ఇత్యాహేతి యోజనా