యజ్ఞార్థాత్కర్మణోఽన్యత్ర లోకోఽయం కర్మబన్ధనః ।
తదర్థం కర్మ కౌన్తేయ ముక్తసఙ్గః సమాచర ॥ ౯ ॥
‘యజ్ఞో వై విష్ణుః’ (తై. స. ౧ । ౭ । ౪) ఇతి శ్రుతేః యజ్ఞః ఈశ్వరః, తదర్థం యత్ క్రియతే తత్ యజ్ఞార్థం కర్మ । తస్మాత్ కర్మణః అన్యత్ర అన్యేన కర్మణా లోకః అయమ్ అధికృతః కర్మకృత్ కర్మబన్ధనః కర్మ బన్ధనం యస్య సోఽయం కర్మబన్ధనః లోకః, న తు యజ్ఞార్థాత్ । అతః తదర్థం యజ్ఞార్థం కర్మ కౌన్తేయ, ముక్తసఙ్గః కర్మఫలసఙ్గవర్జితః సన్ సమాచర నిర్వర్తయ ॥ ౯ ॥
యజ్ఞార్థాత్కర్మణోఽన్యత్ర లోకోఽయం కర్మబన్ధనః ।
తదర్థం కర్మ కౌన్తేయ ముక్తసఙ్గః సమాచర ॥ ౯ ॥
‘యజ్ఞో వై విష్ణుః’ (తై. స. ౧ । ౭ । ౪) ఇతి శ్రుతేః యజ్ఞః ఈశ్వరః, తదర్థం యత్ క్రియతే తత్ యజ్ఞార్థం కర్మ । తస్మాత్ కర్మణః అన్యత్ర అన్యేన కర్మణా లోకః అయమ్ అధికృతః కర్మకృత్ కర్మబన్ధనః కర్మ బన్ధనం యస్య సోఽయం కర్మబన్ధనః లోకః, న తు యజ్ఞార్థాత్ । అతః తదర్థం యజ్ఞార్థం కర్మ కౌన్తేయ, ముక్తసఙ్గః కర్మఫలసఙ్గవర్జితః సన్ సమాచర నిర్వర్తయ ॥ ౯ ॥