ఆత్మనిష్ఠస్య విషయసఙ్గరాహిత్యం దృష్టం, తదనాత్మజ్ఞేన జిజ్ఞాసునా కర్తవ్యమితి మత్వాఽఽహ -
యస్తు సాఙ్ఖ్య ఇతి ।
కిఞ్చ, ఆత్మజ్ఞస్య జ్ఞానేనాత్మనైవ పరితృప్తత్వాత్ నాన్నపానాదినా సాధ్యా తృ్ప్తిరిష్టా । తేన విద్యార్థినా సంన్యాసినాఽపి నాన్నరసాదౌ ఆసక్తిర్యుక్తా కర్తుమిత్యాహ -
ఆత్మతృప్త ఇతి ।
కిఞ్చాత్మవిదః సర్వతో వైతృష్ణ్యం దృష్టం, తదనాత్మవిదా విద్యార్థినా కర్తవ్యమిత్యాహ -
ఆత్మన్యేవేతి ।
రతితృప్తిసన్తోషాణాం మోదప్రమోదానన్దవత్ అవాన్తరభేదః । అథవా రతిర్విషయాసక్తిః, తృప్తిర్విషయవిశేషసమ్పర్కజం సుఖం, సన్తోషోఽభీష్టవిషయమాత్రలాభాధీనం సుఖసామాన్యమితి భేదః ।
నను ఆత్మరతేరాత్మతృప్తస్యాత్మన్యేవ సన్తుష్టస్యాపి కిఞ్చిత్ కర్తవ్యం ముక్తయే భవిష్యతీతి, నేత్యాహ -
య ఈదృశ ఇతి
॥ ౧౭ ॥