अद्वैतशारदा | दक्षिणाम्नाय श्रीशारदापीठम्, शृङ्गेरी

న బుద్ధిభేదం జనయేదజ్ఞానాం కర్మసఙ్గినామ్ ।
జోషయేత్సర్వకర్మాణి విద్వాన్యుక్తః సమాచరన్ ॥ ౨౬ ॥

బుద్ధేర్భేదః బుద్ధిభేదః ‘మయా ఇదం కర్తవ్యం భోక్తవ్యం చాస్య కర్మణః ఫలమ్’ ఇతి నిశ్చయరూపాయా బుద్ధేః భేదనం చాలనం బుద్ధిభేదః తం న జనయేత్ న ఉత్పాదయేత్ అజ్ఞానామ్ అవివేకినాం కర్మసఙ్గినాం కర్మణి ఆసక్తానాం ఆసఙ్గవతామ్ । కిం ను కుర్యాత్ ? జోషయేత్ కారయేత్ సర్వకర్మాణి విద్వాన్ స్వయం తదేవ అవిదుషాం కర్మ యుక్తః అభియుక్తః సమాచరన్ ॥ ౨౬ ॥

కిం ను కుర్యాదితి ; తదేవేతి ;

పూర్వార్ధమేవం వ్యాఖ్యాయోత్తరార్ధం ప్రశ్నపూర్వకమవతార్య వ్యాచష్టే -

కిం ను కుర్యాదితి ।

సర్వకర్మాణి కారయేత్ , తేషు ప్రీతిం కుర్వన్నితి శేషః ।

కథం కారయేదిత్యాకాఙ్క్షాయామాహ -

తదేవేతి

॥ ౨౬ ॥