ಯಥೋಕ್ತೇ ಪರಸ್ಮಿನ್ನಾತ್ಮನಿ ಸರ್ವಕರ್ಮಣಾಂ ಸಮರ್ಪಣೇ ಕಾರಣಮಾಹ -

ಅಧ್ಯಾತ್ಮೇತಿ ।

ವಿವೇಕಬುದ್ಧಿಮೇವ ವ್ಯಾಕರೋತಿ -

ಅಹಮಿತಿ ।

ದರ್ಶಿತರೀತ್ಯಾ ಕರ್ಮಸು ಪ್ರವೃತ್ತಸ್ಯ ಕರ್ತವ್ಯಾಂತರಮಾಹ -

ಕಿಂಚೇತಿ ।

ತ್ಯಕ್ತಾಶೀಃ ಫಲಪ್ರಾರ್ಥನಾಹೀನಃ ಸನ್ನಿತ್ಯರ್ಥಃ । ನಿರ್ಮಮೋಭೂತ್ವಾ , ಪುತ್ರಭ್ರಾತ್ರಾದಿಷ್ವಿತಿ ಶೇಷಃ ।

ನನು ಯುದ್ಧೇ ನಿಯೋಗೋ ನೋಪಪದ್ಯತೇ, ಪುತ್ರಭ್ರಾತ್ರಾದಿಹಿಂಸಾತ್ಮನಸ್ತಸ್ಯ ಸಂತಾಪಹೇತೋರ್ನಿಯೋಗವಿಷಯತ್ವಾಯೋಗಾದಿತಿ, ತತ್ರಾಹ -

ವಿಗತೇತಿ

॥ ೩೦ ॥